《愛.回家之開心速遞》- 毒海浮生!? 大小姐同Terry講:「細佬,你真係好醒呀!! 」

今個星期的《愛.回家之開心速遞》主要係講Terry(李偉健飾)由大房「叛變」到二房,所以大小姐龍力蓮(林淑敏飾)同KC(歐瑞偉飾)就要諗計令Terry回歸大房。



讀者可以參考以上片段。俗語話: 「受軟唔受硬」,所以大小姐同KC就諗住用苦肉計,話大小姐沉淪毒海,要Terry番大房先至可以戒毒。點知Terry佢「大義滅親」,報警話大小姐吸毒。所以一大班警察就衝上大小姐Office個度「拉人」。大小姐搞笑咁樣話個D「毒品」其實係奶粉黎,但D警察唔信,仲衝埋佢大小姐個度制服佢。Terry仲要「好醒」咁講:「家姐呀,你唔好反抗啦,回頭是岸呀!」大小姐話要見律師(KC)個陣,Terry又再「好醒」咁話: 「今次連舅父都幫你唔到啦,因為我懷疑佢知法犯法,提供毒品俾你,所以我已經報警拉埋佢啦!! 」真係笑死小編。大小姐都忍唔住同Terry講:「細佬,你真係好醒呀!! 」



但成件事最慘GE唔係大小姐同KC,而係Mary Hung熊若水(呂慧儀飾)。典解GE???因為大小姐要佢食呢隻死貓。若水要好似機械人咁周圍搵同事澄清: 「XXX,你有睇威龍秘密網呢?唔駛估啦,係我黎架,就係我俾人拉左。個日我都係著呢套衫,係大小姐送俾我架……」真係陰公豬LOL!!!

Ref: TVB

標籤: TVB  愛回家  開心速遞  Terry  大小姐  熊若水  

留言


請按此登錄後留言。未成為會員? 立即註冊
    快捷鍵:←
    快捷鍵:→