如果提到上年TVB自家製的最佳劇集，可能有人會話係頒獎禮拎獎的《跳躍生命線》，亦會有人話係岩岩播完的《大帥哥》。咁如果係外購劇呢? 《延禧攻略》當之無愧!!! 延禧迷有好消息啦，事關《延禧攻略》GE原班人馬新作 ---《皓鑭傳》黎緊2月4號年三十晚就有得係TVB個到播，只要等《守護神之保險調查》做哂就得!!
讀者可以參考以上片段。今次呢套劇就係以戰國時代做背景(小編即刻諗起《尋秦記》個個時代背景)。吳謹言(魏瓔珞)今次就做李皓鑭(即係趙姬)，聶遠(乾隆)就做呂不韋。但今次《皓鑭傳》就無「又打得又睇得」的傅恆大人(許凱)同阿佘佘詩曼，叫做美中不足!!另外其他主要演員都有份係《皓鑭傳》登場，例如: 大奸大惡的高貴妃譚卓、魏瓔珞GE好閨密明玉姜梓新，仲有係《延禧攻略》後段令人印象深刻的大奸角---袁春望(王茂蕾)(小編都宜家睇無線電視資訊台都仲記得袁春望個配音吧聲，你話幾得人驚呢?!)。
基本上呢套劇應該又可以掀起另一波的「追劇潮」，吳謹言的趙姬今次會同聶遠的呂不韋拍住上，係戰國時代興風作浪，絕對不容錯過!!!
Ref: TVB
請按此登錄後留言。未成為會員? 立即註冊