《後生仔傾吓偈》- 陸浩自爆: 年薪係杜拜頂級酒店住到十日八日房都未上到車!!!

如果係條街求其捉住個年青人問: 「你有冇諗過想移民呀? 」相信10個有9個都會答有諗過想移民,除左因為其他地方有各自吸引的地方,亦因為係香港生活好「辛苦」。今日《後生仔傾吓偈》一眾KOL就傾到呢個話題。讀者可以參考以下片段。


馮盈盈一黎就已經講到問題的核心: 「無前途呀!!!後生仔向上爬好難!!!無前景呀!! 」如果你係出左社會大學讀緊書的朋友,應該會覺得馮盈盈講GE呢句肺腑之言感同身受。基本上係香港普普通通一個打工仔,會發覺無咩工種可以做,大部朋友收入只可以係大學生收入中位數附近徘徊。就算你好好彩係一個專業人士,你都會發覺自己明明已經係一個所謂的「專業人士」,你仍然係上樓無望(有父幹的朋友除外)。成個香港的氣氛亦都將年青人標籤做「廢青」,好似「年輕便是罪」咁,年青人真係好難向上流……


陸浩(陸浩明)亦都補充左無論咩年紀的人都可能遇到的問題(有錢的朋友除外) ,就係居住空間的問題。眼見外國的人住係好大的地方都係佢地可以負擔到(例如:Vincent講的加拿大) ,係香港真係「地少人多」。連陸浩自爆年薪係杜拜頂級酒店住到十日八日房都未上到車(小編唔知實際金額幾多,但都估到好多!!!) ,就知係香港地上車幾咁難!!!

其他KOL都有講到係香港讀書「壓力山大」。所以,仲讀緊書的朋友,或者係社會大學「日捱夜捱」的朋友,不妨欣賞下仍然係香港地生活的自己啦!!

Ref: J2

標籤: TVB  J2  馮盈盈  後生仔傾吓偈  陸浩明  

留言


請按此登錄後留言。未成為會員? 立即註冊
    快捷鍵:←
    快捷鍵:→