《大帥哥》- 大結局後感: 誰大誰善誰正確 !!! (有劇透)

《大帥哥》終於曲終人散。之前講過狄奇策劃緊一埸「狄奇之反撃」,係結局入面狄奇就憑住佢做的「一日大帥」,開左個「全民公堂」慢慢引馬炭(洪永城飾)露出破綻,再以軍閥解決戰鬥的方法去將真相話俾觀眾聽。讀者可以參考以下片段。


「全民公堂」個Part,小編最印象深刻的係狄奇講過: 「做大將就應該係咁,但你就只係諗住做大帥,大軍閥」。的確,馬炭當權之後,成日都充滿機心要擴張勢力,當中不惜一切都要達到自己的目的。當一個當權者係以自己為出發點,根本就唔會顯示出「大將之風」(細心的觀眾會發現宜家香港甚至世界強國領袖都係咁)。

到狄奇同馬炭每人輪住「玩輪住開槍個陣」,沅婉(蔡思貝飾)問狄奇係唔係佢殺左佢阿爸,狄奇由頭到尾個心仍然想「保護」馬炭,等沅婉唔洗因為要幫阿爸報仇而殺馬炭,呢個就係狄奇以自己的一種形式等佢地兩個唔洗俾仇恨纏繞,最後沅婉都原諒馬炭,而馬炭亦最後犧牲自己,回報番狄奇。


成集大結局,狄奇呢個大帥哥都同觀眾講緊最後一個大道理: 「誰大誰善誰正確」。馬炭亦都「以身作則」,最後做番個好人!!唔知你覺得係唔係呢?

Ref: TVB

標籤: TVB  大帥哥  狄奇  馬炭  洪永城  

留言


請按此登錄後留言。未成為會員? 立即註冊
    快捷鍵:←
    快捷鍵:→