先祝大家新年快樂。通常一年開始都會許個願!如果俾小編就娛樂圈許個願的話，小編希望馬明(馬國明)可以拎到視帝。
馬明雖然今年係《宮心計2深宮計》靠任三恕呢個角色拎到「最受歡迎電視男角色」，但明眼人都知連佢自己都唔係好滿意(唔係的話點會繼續擺呆樣，仲要話: 「唔使畀紙巾我，因為我唔係代言人，我無收到錢。」)。
2019年，馬明有成3套戲出街，包括《白色強人》、《C9特工》同埋《降魔的2.0》。《降魔的》的續集係差唔多年尾的《2019無綫節目巡禮》先公佈，但小編係3套戲入面反而最睇好馬季。
第一季的《降魔的》，馬明成功將馬季「有血有肉」的一面呈現出黎。同「石敢當」的兄弟情，同謝雪心(養母)之間的母子情，同有為(蔣志光飾)、一班的士司機的患難之情，跟住仲有同黃智雯、劉佩玥(貝貝娜)之間的三角戀，最後當然係同親生父母(金剛同小儀)的親情。你可以話係編劇同劇本的努力，但始終要由演員將文字演變成影像，再俾觀眾感受。所以，小編覺得馬明係功不可沒。
小編覺得由《On Call 36小時》的一件頭（張一健）開始，TVB就差佢一個視帝(當然有人唔贊同)。的確近幾年馬明雖然都有劇出，但叫座力真係唔夠。你話《流氓皇帝》、《為食神探》呢D劇，衝擊視帝都無咩可能(可能你連劇名都無印象)。到左《降魔的》，有好劇本，但仍然係無視帝，所以小編希望借新一年的機會許個願:馬明拎視帝啦，唔好再只係拎「最受歡迎電視男角色」啦!!!
Ref: TVB，黃智雯IG
馬明雖然今年係《宮心計2深宮計》靠任三恕呢個角色拎到「最受歡迎電視男角色」，但明眼人都知連佢自己都唔係好滿意(唔係的話點會繼續擺呆樣，仲要話: 「唔使畀紙巾我，因為我唔係代言人，我無收到錢。」)。
2019年，馬明有成3套戲出街，包括《白色強人》、《C9特工》同埋《降魔的2.0》。《降魔的》的續集係差唔多年尾的《2019無綫節目巡禮》先公佈，但小編係3套戲入面反而最睇好馬季。
第一季的《降魔的》，馬明成功將馬季「有血有肉」的一面呈現出黎。同「石敢當」的兄弟情，同謝雪心(養母)之間的母子情，同有為(蔣志光飾)、一班的士司機的患難之情，跟住仲有同黃智雯、劉佩玥(貝貝娜)之間的三角戀，最後當然係同親生父母(金剛同小儀)的親情。你可以話係編劇同劇本的努力，但始終要由演員將文字演變成影像，再俾觀眾感受。所以，小編覺得馬明係功不可沒。
小編覺得由《On Call 36小時》的一件頭（張一健）開始，TVB就差佢一個視帝(當然有人唔贊同)。的確近幾年馬明雖然都有劇出，但叫座力真係唔夠。你話《流氓皇帝》、《為食神探》呢D劇，衝擊視帝都無咩可能(可能你連劇名都無印象)。到左《降魔的》，有好劇本，但仍然係無視帝，所以小編希望借新一年的機會許個願:馬明拎視帝啦，唔好再只係拎「最受歡迎電視男角色」啦!!!
Ref: TVB，黃智雯IG
請按此登錄後留言。未成為會員? 立即註冊