《聖誕極光傳說》– Jarvis同Judy的聖誕純愛小品(超多圖)(內附精華)

Boxing day 有得拆下禮物,亦有得煲下劇。今次小編想講番套關於聖誕節,但已經完左的劇/小電影,就係《聖誕極光傳說》。之前要日日追個2至3分鐘,宜家網上已經有足本版。讀者可以參考以下連結。



話說呢個係一個「兵仔」誤打誤撞同「女神」一齊去睇極光的故事。Chris (周奕瑋飾)一個公司的「二打鹿」。因為係公司的化妝舞會入面拎到「最差服裝」所以可以同「女神」Aurora (鄺潔楹飾) (Aurora係極光咁解,即係難得一見,「女神」當然係難得一遇啦)可以去加拿大黃刀鎮睇極光。咁當中梗係要排除萬難,「女神」慢慢對「兵仔」有好感,「兵仔」再慢慢「升lv」……


呢套小劇,最大看點梗係Aurora啦(你覺得係Judy 抑或係極光呢?)。因為以劇情黎講,小編覺得係似幼稚園生或者「小學雞」都明的童話故事。所以小編會話呢套節目係聖誕純愛小品! 「純純地」睇下就OK。


但要值得讚的係拍極光的攝影師,因為拍極光需要長時間曝光先可以做到。可想言之,攝影師要係凍冰冰的環境幾耐先可以將咁靚的極光呈現係我地眼前!所以真係要讚下攝影團隊。講多無謂,睇圖最實際!繼續睇下套劇的精華。













Ref: TVB

標籤: TVB  聖誕極光傳說  周奕瑋  鄺潔楹  

留言


請按此登錄後留言。未成為會員? 立即註冊
    快捷鍵:←
    快捷鍵:→