《愛.回家之開心速遞》- VR虛擬實景係「單身狗」的救星?!

「Single Hell, Single Hell, Single all the way!」又到「單身狗」俾閃光彈炸死的節日。臨近聖誕節,尋晚的《愛.回家之開心速遞》講到安仔金城安(周嘉洛飾)連埋傻強(馮奕森飾)佢地誤打誤撞參加左由「道德重整會」搞的「道德重整營」。營長譚道德(陳榮峻飾)同副營長譚何容儀(吳香倫飾)佢地搞呢個營的目的就係想參加者可以放棄七情六慾,擺低兒女私情,從而提升番大家的道德水平。

George(張明偉飾)(港版G-dragon?!)之前開始發覺自己中意左天才聯盟補習社拍檔熊心如(蘇韻姿飾),所以佢就想透過參加重整營去放低對心如的愛慕。重整營其中一節活動就係用VR虛擬實景幫手。讀者可以參考以下片段。


George一戴左VR眼鏡,就見到自己番左補習社,仲見到心如好熱情,咁當然把持唔住啦。點知一除VR眼鏡,原來係營長譚道德,真係嚇死!!


「再吸引的美色,都只不過係臭皮囊,一切都係鏡花水月、過眼雲煙。」雖然呢句話蘊含左佛學的思想。但作為一個「任何人」,其實都好難完全領悟到呢個道理。與其追求道德高地,做個「道德塔利班」,不如接受番自己係有七情六慾,有自己的情感。有時,有得FF,都只不過係對自己好D!


小編都想即刻戴番副VR眼鏡(唔做「道德塔利班」、做番個普通人先)!!

Ref: TVB


標籤: TVB  George  愛回家  開心速遞  熊心如  蘇韻姿  

留言


請按此登錄後留言。未成為會員? 立即註冊
    快捷鍵:←
    快捷鍵:→