J2 播打機相關節目《電競王》,但實際內容不似預期,反而似另一個節目?

今晚J2正式播《電競王》呢個綜藝節目,小編原本都幾期待,諗住終於可以係「電視框」入面睇下打機節目。點知原來係睇緊打機版的《勁歌金曲》!?


讀者可以參考以上片段。節目一開始介紹《pokemon let's go》、《overcooked》。之後再有一場「明星Game超聯大賽冠軍」電競王謝東閔同大中華區冠軍(唔記得佢叫咩名)打左場《Fifa 19》(利物浦VS巴黎聖日耳門)。最後就有個GAME的排行榜。
照呢個節目內容的安排,覺唔覺好似《勁歌金曲》?就係先介紹下呢排有咩新歌(雖然TVB的新歌黎黎去去都係個幾個歌手GE歌),之後吹下水再安排一個錄定的表演,最後睇下排行榜。《電競王》就介紹最近的新遊戲,之後黎一個錄定的比賽,再睇排行榜。小編真係覺得兩個節目有異曲同工的感覺。
小編睇完成集節目,心入面亦有一個問題: 「點解電競節目的比賽唔係即時打GE? 」電競比賽追求個種臨場感,仲要令觀眾可以投入到個個氣氛入面。雖然話節目完左主持人會係「Big Big Channel」開Live。但話哂《電競王》係叫電競王,係唔係至少有D現場直播的電競比賽睇下呢?
雖然見到J2(TVB)有新嘗試係好事,但節目名同之前GE簡介(應該係節目巡禮個陣知會有呢個綜藝節目)令到小編對節目的期待過高。結果就係「期望愈大,失望愈大」。今次,真係「認真,你就輸了……」。

Ref: J2, pokemon let's go, overcooked, Fifa 19

如果喜歡我們的文章,請即分享到︰

標籤: pokemon let's go  overcooked  Fifa 19  J2  電競王  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→