【點評】《倚天屠龍記》寶刀屠龍 or 倚天不出?

《倚天屠龍記》暫時播左一個星期,三大主角都未出場(唔計年輕版張無忌的話),宜家劇情主要圍繞屠龍刀同倚天劍兩邊展開。屠龍刀個邊係張翠山(李東學飾)、殷素素(陳欣予飾)同埋「金毛獅王」謝遜(黑子飾)的情節,而倚天劍個邊就係滅絕師太(周海媚飾)、紀曉芙(鄔靖靖飾)同楊逍(林雨申飾)的故事。先利申,小編未睇過原著,只係好細個個陣睇過吳啟華做張無忌的版本,加上太細個睇,所以對劇情的印象相當模糊。讀者可以參考以下片段。


小編覺得屠龍刀同倚天劍兩邊劇情的脈絡都類似,各自都係講緊一件當世的「武林神器」加一條愛情線輔助(另外加一位武林前輩)。屠龍刀個邊的劇情相比之下係吸引D。首先當然係知道主角張無忌的來歷啦。如果以個個時勢黎睇的話,張無忌一定會俾人話「雜種」。呢度唔係指佢父母唔同種族,而係因為佢父母各自的武林背景。張翠山出身武林正派「武當派」,而佢太太殷素素就係「天鷹教」的人,正所謂「正邪勢不兩立」,偏偏男主角就係正邪兩派「Mix」出黎,仲唔俾人話「雜種」?


呢樣就不得不佩服作者金庸先生安排佢地輾轉去到冰火島「避世」,既可以俾張翠山同殷素素度過一段唔駛理「世俗眼光」的新婚生活,又可以令張無忌可以過一個愉快的童年(要知道細細個俾人欺凌的人大個好大機會有「反社會人格」),張無忌又可以專心跟父母同埋「契爺」練功(因為無其他細佬同佢玩)。


相比之下,倚天劍個邊的滅絕師太固然係好多觀眾都識的「海媚姐」啦,但暫時見佢出場的場面,俾小編的感覺都覺得佢個角色係「癲癲地」,一登場就講自己點解叫滅絕師太,原因係因為要「滅絕」邪魔外道,就好img似宜家特朗普大搞「種族主義」,加埋配音的陸惠玲通常配音的角色都係比較賢慧,所以聽滅絕師太講野就好似覺得唔係好夾。

而紀曉芙同楊逍的愛情線,暫時無咩亮點。雖然都係正邪配,但始終劇情係楊逍捉走紀曉芙,如果話紀曉芙「無啦啦」中意楊逍又會「怪怪地」,宜家的劇情舖排未夠。唔知你暫時中意屠龍刀條線多D亦或係倚天劍條線呢?


Ref: TVB

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→