《電競王》- 藝人最中意邊個屬豬嘅足球明星???

之前打機可以話係男士專利，但宜家入左電競時代，連女士都會打下機，放鬆下。就好似睇波，宜家都越黎越多女仔睇波。當兩樣野結合的時候，就可以係FIFA或者Winning系列啦。前排《電競王》有個宣傳係關於FIFA 19。唔少明星都SHARE左佢地中意邊個屬豬嘅足球明星同埋各自的原因。一齊黎睇下佢地最中意邊個球星先!!!


讀者可以參考以上片段。《電競王》其中一個主持謝東閔就中意馬迪爾(Martial) ，另一個主持戴祖儀Joey就中意阿仙奴的賀定(Holding)，因為貪佢係「最有前途的新人」!!但佢個選擇都算冷門，唔係睇開英超或者追開阿仙奴的Fans都未必知道賀定。


捧開阿仙奴的「游生」袁文傑，就中意前阿仙奴的射手(Van Persie) ，都好正路呀!!!


好多網民的女神張張曦雯Kelly就係智利守門員巴禾(Bravo) ，小編諗Kelly都應該係世界盃先睇下波，因為巴禾都好耐無撲波(係曼城坐冷板多!!)

中意踢波的Dickson余德丞就中意巴西的丹尼爾艾維斯(Daniel Alves)(小編:真識貨!!!自己都好中意呢個前「世界最佳右閘」，係佢去左巴黎聖日耳門先睇少左佢係球場上表演)。Dickson就話中意佢跑得快同後上識入波!!!(其實佢助攻都好犀利!!)


王卓淇就話佢中意的豬年球星係英格蘭的梳爾(Shaw) ，因為佢又靚仔，又好波。都算係冷門選擇，但今季佢係曼聯的表現係好左GE。


最後另一位網民的女神張秀文Sammi就揀拜仁的甘美治(Kimmich) ，唔知你心水豬年球星又係邊個呢?

Ref: J2, Fifa 19