【防衛成功?】《愛.回家》Bonnie譚育英重新確立「正印」地位

之前一直引起網民熱烈討論的「池.城」偷食事件!?即係池美麗(鍾凱琪飾)X金城安(安仔)(S.O.)(周嘉洛飾),睇到有網民話如果佢地真係一齊左就一定罷睇《愛.回家之開心速遞》。套劇的工作人員當然唔會俾呢D搞到收視暴跌的情況出現啦(之前將主題曲改成純音樂都已經反映左會順從民意)。終於尋晚個集可以令到觀眾放心,因為Bonnie譚育英(林凱恩飾)重新確立「正印」地位!


讀者可以參考以上片段。自從池美麗係後山的貨櫃入面有「餵蛋糕之恩」之後,金城安對佢的印象大有改觀。就算池美麗成日搵佢,安仔都毫無避忌。Bonnie自己都有危機感,佢都覺得池美麗逐漸介入佢同安仔之間的關係。為左捍衛自己同安仔的愛情,Bonnie決定請教佢師傅兼未來奶奶,尚善老師熊尚善(滕麗名飾)。所以,池美麗的身份就由Bonnie的情敵變成左安仔的契妹,仲同Bonnie的關係好左,件事應該告一段落?


點知尚善老師「無野搵野搞」,又或者佢想測試下Bonnie作為佢徒弟加埋未來家嫂的心理質素,佢以「曹總傳」要配音為名,叫池美麗同安仔錄左段「鴛鴦浴玩泡泡」的錄音,真係聽到令人即刻硬哂(個拳頭)! Bonnie最後都頂唔順段錄音走左。但見到Bonnie咁樣,真係覺得佢好慘。


本身池美麗呢個角色的定位,應該係間唔中係某D集數跟住佢阿爸池富(王俊棠飾)同埋佢阿哥池子孝(阮政峰飾)出黎搞下笑,做一個對自己有充分自信又「大食」的阿妹,個陣佢「神還原」現實「Karen Cafe呃飯食」的情節更加令佢個角色的人氣急升。點知劇組又好似尚善老師一樣「無野搵野搞」,試下鍾意「Bonnie安仔CP」觀眾的心理質素,個個都諗住愚人節個陣池美麗係搞笑咁樣同安仔「企一晚」,應該無傷大雅掛。但後山貨櫃個集一出,觀眾開始意識到安仔同Bonnie的感情會受到池美麗影響(小編個陣都係咁諗),池美麗分分鐘會因為佢對安仔的內在美而變成小三的時侯(個排仲要真係有安心偷食事件),池美麗呢個角色的舉動就更加令人反感。有觀眾更加過左火咁「人身攻擊」飾演池美麗的演員,其實應該調番轉頭欣賞下演員鍾凱琪的敬業精神。雖然小編人微言輕,但都想喺度爲演員們打下氣!希望Bonnie之後亦可以繼續係「Bonnie安仔CP」。


Ref: TVB

如果喜歡我們的文章,請即分享到︰

標籤: TVB  愛回家  開心速遞  Bonnie  林凱恩  金城安  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→