週日短打-灰姑娘與四騎士

星期日訓醒,通常一起身J2就播緊外購劇。呢排播緊就係一套過氣的韓劇,叫做「灰姑娘與四騎士」。點解係過氣,因為套劇已經係兩年前已經係韓國個到播,J2宜家先有播,始終有叫座力的韓劇多的是。但呢套劇以愛情輕鬆小品黎講都唔錯。讀者可以按以下連結。

套劇都係似番典型愛情劇的戲軌。一個窮家女配一個或N個有錢仔。今次女主角尹荷媛(朴素淡飾) (窮家女),就同四個有錢仔的生活連埋一齊,誤打誤撞又可以「加」入豪門,係大豪宅入面同班有錢仔同居。咁通常生活埋一齊先會更加了解個個人,女主角就同其他有錢仔有互動。當中就同姜智雲(丁一宇飾) ,仲有姜賢旻(安宰賢飾)的互動比較多。通常一套愛情劇,都會涉及多過一條的愛情線。呢套劇都唔例外。朴慧芝(孫娜恩飾) (女團Apink的成員,其實小編都係因為佢先睇呢套劇),同賢旻係青梅竹馬的關係。但係大家都大個仔大個女,佢地兩個之間的感情發展又未如慧芝想像咁樣。賢旻對佢若即若離咁,令到慧芝好難受,再加上荷媛(女主角)的出現,令到佢地的關係更加複雜。

暫時J2就只係播到第8集,應該都仲有一段時間先到結局。因為小編較少上網追劇,應該都會跟番J2的進度去睇。希望套劇入女主角同男主角的愛情,仲有慧芝同賢旻可以開花結果啦。

Ref: J2, 灰姑娘與四騎士

如果喜歡我們的文章,請即分享到︰

標籤: J2  灰姑娘  四騎士  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→