《萬千星輝頒獎典禮》KC 可唔可以破天荒得獎?問過「雄姐」先!

小編之前有篇文章提過《萬千星輝頒獎典禮》女主角的形勢。本來想講下男主角個邊,但睇完提名名單之後覺得人選都勢均力敵,勝負難料(亦可以話無咩演員的表現特別突出)。所以今次想同大家講下男配角呢邊的情況。
讀者可以參考以上片段。男配角往往係牡丹的「綠葉」,當然我唔會話提名名單入面個個都「咁好戲」,名單入面都好多「陪跑份子」。今次,小編覺得KC(歐瑞偉飾)係時候啦。係《愛.回家之開心速遞》,小編其實最中意KC同Terry (李偉健飾)呢條線。其實KC已經係連續第3年入選提名名單,仲要3次都係唔同角色,可以話係實力的肯定。
第1次係以《城寨英雄》入面的「Final Boss」楊竹鑾入選。當時佢係劇入面做一個好老闆,都結尾180度變番個「奸到出汁」的殺手大佬,真係嚇死小編。第2次,就到《同盟》入面的易先生,又打得又忠心!
到左今年,終於係陪左我地最耐的KC入選。不過,小編覺得KC今年最大的對手,係《跳躍生命線》的「雄姐」呂劍雄(張彥博飾)。本身「雄姐」係套劇入面的演出已經令人覺得好得意。到左結局編期間,突然的因工殉職,就即係令到個角色昇華左,小編睇個陣都覺得好震撼!
唔知你地又覺得邊個有機會呢?
Ref: TVB

如果喜歡我們的文章,請即分享到︰

標籤: KC  愛回家  開心速遞  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→