《萬千星輝頒獎典禮》各大獎項點評(2) -最佳男配角至最佳女配角

之前小編係《萬千星輝頒獎典禮》各大獎項點評(1)個度講過下最佳男主角至最受歡迎電視女角色,今次再講下其他個D獎。


最佳男配角: 小編之前覺得唔係KC拎,就係「雄姐」拎,點知一個爆冷由《是咁的,法官閣下》入面的梁烈唯(負評唯?)憑趙金水呢個角色拎到。唔評論唯唯佢的政治取態同立場,以戲論戲的話,佢的確能夠將趙金水好想「超人頭地」的目標做到出黎(亦可能係佢近期失意下渴望「谷底反彈」的體現)。特別係當趙金水的家庭曝光(有個賣報紙的阿媽) ,再加埋蝦頭做的角色為情自盡個陣,唯唯亦可以做到好內疚的感覺。但總括黎講,小編覺得KC或者雄姐更值得拎呢個獎。



最佳女配角:《 愛·回家之開心速遞》的大小姐龍力蓮(林淑敏飾)終於拎到呢個獎,可以話眾望所歸!大小姐平時係公司尖酸刻薄的樣,再加句「人頭豬」,真係令人津津樂道。再加埋係「送水輝」面前小鳥依人的一面,呢種反差令到角色更加有觀眾緣。但小編更加欣賞的係大小姐(林淑敏)本人的踏實同謙虛,拎到獎固然係對大小姐的加許,不過大小姐係一直真摰地感謝唔同GE人,特別係講到「我會繼續謙卑咁做好呢份工」,呢D就係「熱誠」!其他獎項之後有機會再講下。


Ref: TVB

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→