《萬千星輝頒獎典禮》各大獎項點評(1) - 最佳男主角至最受歡迎電視女角色

《萬千星輝頒獎典禮》已經完滿結束,各大獎項都已經知道花落誰家。小編係頒獎典禮之前曾經估過最佳劇集、最佳女主角同最佳男配角的人選,最後只係估中左《跳躍生命線》拎最佳劇集同埋Ali (李佳芯)憑《BB來了》拎到女主角。KC都有獎拎,但係拎專業演員大獎。


小編係度想點評下今次頒獎典禮的16個獎。先講最佳男主角,就係「馬神突破」。「馬神」馬德鐘係獲得提名16次之後終於有所突破(又係16呢個數字),值得慶賀。



最佳女主角: 有人會覺得《三個女人一個「因」》入面黃智雯做方以因呢個角色表現出黎的演技更值得拎,但小編想講番套劇播出街的時段(星期六日晚)對黃智雯衝擊演藝生涯第一個女主角獎起左關鍵性的作用,因為有好多觀眾會因為呢個安排而無睇過套劇。


最受歡迎電視男角色: 再一次係馬明(馬國明)拎到,佢拎呢個獎拎到好似無哂感覺咁。小編覺得TVB真係欠佢一個視帝,期望佢可以係下年憑《降魔的》續集封皇,但關鍵係《降魔的》要保持到舊年的關注度,因為通常續集都會「跌watt」。


最受歡迎電視女角色: 陳煒憑住《宮心計2深宮計》的太平公主拎到獎。宮心計就應驗左續集無咁好睇的情況,始終觀眾的期望高左,胃口又大左。但論煒哥的角色黎講,的確係套戲入面「最搶戲」的角色黎,雖然小編覺得煒哥做呢個角色好似「OVER」左。「Any肥」,恭喜煒哥。

Ref: TVB

如果喜歡我們的文章,請即分享到︰

標籤: TVB  李佳芯  馬德鐘  馬國明  陳煒  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→