《荷里活有個大老千》- 尹光出山: 你又千,佢又千!!!

暫時睇左《荷里活有個大老千》一陣,覺得中規中矩,係一班老戲骨(鄭則仕、秦沛、湯鎮業)交下戲。但現時為止,套劇稱唔上吸引。不過,如果問小編套劇有D咩「亮點」的話,小編會毫不猶疑咁答你: 「就係首主題曲!!! 」。點解,咪就係尹光出山!!


讀者可以參考以上片段。細細個同朋友去K房,身邊點都會有一個人會點尹光的歌。當然因為佢唱歌風格獨特得黎又搞笑,當中《少理阿爸》更係必唱之歌。歌之前的獨白(即係宜家的RAP) ,個個唱之前都好HIGH咁跟住唱。唱到粗口的音調個個都會好自然咁放大聲咁唱?/叫?? ,總之就嗌出黎。可以話係「童年回憶」!!

今次呢套《荷里活有個大老千》,居然搵到尹光出山,舊曲新詞咁將原本《荷里活有間大酒店》變成劇集主題曲: 《荷里活有個大老千》。首歌的歌詞同劇情有關,主要係講番龍四(鄭則仕飾)由老千變成製片的故事,睇番填GE詞分分鐘好過成為話題的填詞人:陳詠謙的作品(至少睇得明呀!!!)。講番講製片的劇,小編諗番起韓劇《製作人們》(The Producers,金秀賢、車太鉉、孔孝真、IU個套) ,當然好難預期TVB拍到個個層次的水準,但講番舊時製片的野,都可以話「睇得過」GE。同埋,至少片頭可以聽下「尹大神」首主題曲!!!

下面仲有尹光名作Link:
《少理阿爸》


《雪姑七友/黃飛鴻/十四座/飛甩名模/荷里活/想錢想到懵/數毛毛/爆金爛 (大名鼎鼎靚聲唱家班) 》


Ref: TVB, 星夢娛樂

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→