《皓鑭傳》– 劇情「三倍速」:是節奏明快還是節奏過快?!

先祝大家新年快樂,恭喜發財!!!尋晚期待而久的《皓鑭傳》終於首播。為左保持神秘感,小編專登唔睇TVB之前由陸浩(陸浩明)同Mayanne (麥美恩)聲音導航的劇集攻略,加上小編自己無上網追劇的習慣,所以係以一個觀眾追一套新劇的角度去睇第一集,係度借機同大家分享下小編對首集的睇法。

讀者可以參考以上片段。劇情主要交代幾件事:

1.李皓鑭(即係趙姬)(吳謹言飾)俾人屈佢要同人私奔,再俾阿阿爸的另一個老婆高敏(王琳飾)作為藉口殺害。
2.李皓鑭大難不死,但佢搵阿媽個陣就親眼睇住高敏殺左佢阿媽。
3.李皓鑭俾人賣去市集,反而同呂不韋(聶遠飾)相遇。呂不韋用高價買左李皓鑭番去。


4.李皓鑭遇番佢最愛的公子蛟(洪堯飾)(即係延禧入面的弘晝)同嫁左俾公子蛟的李岫玉(李春嬡飾) (即係延禧入面的舒妃),但換黎GE只有失望。
5.呂不韋言語間激起番李皓鑭的鬥志,而佢亦都展示出佢唔甘心只係做一個普通的商人。


見番D熟悉的面孔當然好啦,而且睇D衫同佈景依然係咁靚。不過,唔知係TVB剪接的問題亦或係本身劇情已經係咁,小編覺得自己好似開左「三倍速」咁樣睇緊,劇情的推盡快到難以置信。上面提及的主要劇情其實都可以分開成2至3集交代,變左當劇情係「快放」形式咁去的時候,作為觀眾跟得有D吃力(呢度唔係單單指節奏明快!)。唔知你又覺唔覺呢?

Ref: TVB

如果喜歡我們的文章,請即分享到︰

標籤: TVB  皓鑭傳  李皓鑭  吳謹言  呂不韋  聶遠  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→