【激情】《愛.回家之開心速遞》- 接龍排球隊勵志挫敵!?

呢排的《愛.回家之開心速遞》劇情比較出人意表,例如池美麗(鍾凱琪飾)有機會同金城安(安仔)(S.O.) (周嘉洛飾)一齊,黑化的Terry(李偉健飾)可能同「威龍潘金蓮」Anita(梁茵飾)組成暗黑CP,又或者「送水煇」(許家傑飾)接近同大小姐龍力蓮(林淑敏飾)要分手,都係D比較慘的劇情。終於到左呢兩集的「青春火花」,講接龍排球隊點樣同大陳的排球隊較量,搞笑得黎又熱血,仲好似個D熱血日劇或者勵志動漫!


讀者可以參考以上片段。之所以會有呢場排球比賽,就係大龍生龍敢威(羅樂林飾)同大陳的「牙骹戰」,所以火速成立接龍排球隊。不過,成員唔係D咩頂級陣容,只係一堆「雜牌軍」,有Anita、熊若水(呂慧儀飾)、一直俾大小姐鬧的「垃圾清」(周梓盈飾)、為左「鐵面陳」不惜一齊的Rebecca葉碧嘉(沈可欣飾)、最近同KC(歐瑞偉飾)糾纏緊的Ivy(岑杏賢飾)同埋一向精明的Ma姐(何綺雲飾)。原本仲話會有國家隊教練領軍,最後要大小姐走馬上任,但隊波開始遇到唔同的問題。又有球員間的內訌、又要訓練重理論不重實戰,睇黎佢地要贏到大陳隊波都好艱難……


好彩大小姐一直有個同佢「鬥生鬥死」的尚善老師熊尚善(滕麗名飾),尚善老師一出手,就已經幫接龍排球隊執番個陣,合適的球員係翻合適的位置打波。尚善老師仲「捱義氣」接替做教練,而大小姐亦都變為球員。經過地獄式訓練之後,接龍排球隊終於要同大陳嘅排球隊打。先輸兩局之下,佢地力挽狂瀾,追到二比二平手。係關鍵一局入面,Rebecca更加係好似係「足球小將」入面的樑仔(石崎樑)上身,使出必殺技「顏面擋球」! 大龍生仲以為Rebecca「壯烈犧牲」,話要批撫恤金俾佢,真係搞笑。


呢兩集的劇情真係好熱血,好勵志呀!睇接龍排球隊的訓練同比賽,小編好自然諗番起過往睇過一D關於運動的電影、電視劇同動漫。如果講排球的電影,小編諗番起好耐之前的《人妖打排球》(當然接龍排球隊的隊員一定靚過《人妖打排球》入面的演員。)睇接龍排球隊跑步訓練個陣,小編又諗起好耐之前山P(山下智久)套《零秒出手》。唔知你睇完呢兩集之後又回憶番D咩類似的情節呢?


Ref: TVB

標籤: TVB  愛回家  開心速遞  Anita  垃圾清  熊若水  Rebecca  Ivy  

留言


請按此登錄後留言。未成為會員? 立即註冊
    快捷鍵:←
    快捷鍵:→