最新令小編落坑的女團系列(1)- IZ*ONE

K-Pop女團競爭激烈(當然男團都係,但小編較留意女團),汰弱留強的情況每年都不斷上演。小編最近聽K-Pop個陣,留意到一首歌。讀者可以按以下連結。


IZ*ONE原來係透過Mnet搞的選秀節目「PRODUCE 48」入面選出黎的限定女子團體。因為小編無追睇「PRODUCE 48」,所以唔知節目入面其實選左D咩人出黎。但聽完歌加睇埋MV之後,又真係覺得投票的人幾有眼光。IZ*ONE入面十二個成員,未至於好似好多女團咁,「個個都一樣樣」。每個團員的樣貌都相對易認。係主打歌「La Vie en Rose」入面,每個團員的分工都幾明確,無話好似其他受歡迎女團咁靠哂一個ACE (Blackpink除外)。當然可能因為係新團,團入面的氣氛相對緩和,未傳話邊個唔妥邊個,又未有邊個團員特別突出,搶左其他人風頭。呢樣野就需要時間觀察先知。

十二個人自然花多眼亂,暫時小編覺得有幾個團員特別合眼緣,分別係0:09, 0:27同1:01,無認錯的話就應該係姜惠元、張元英、宮脇咲良佢地三個。三個團員係組合入面的顏值名列前矛,一望到已經令人深刻。特別係宮脇咲良,一黎個個長頭髮,得佢短頭髮,同埋小編覺得佢個樣有幾分似Supergirl入面的Aka (趙慧珊) ,可能髮型差唔多掛。唔知你地覺得似唔似?

可惜的係,IZ*ONE係限定組合,大家可以欣賞佢地的時間有限,雖然可以單飛發展,但有得支持就支持下,期待佢地下次的回歸。

Ref: IZ*ONE

如果喜歡我們的文章,請即分享到︰

標籤: IZ*ONE  IZONE  K POP  女團  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→