【新CP?!】《愛.回家之開心速遞》KC未來女朋友!? Icy岑杏賢原來已經入行7年

之前《愛.回家之開心速遞》劇組出席宣傳活動個陣,就有預告過KC(歐瑞偉飾)會繼Terry (李偉健飾)、廢青金城安(安仔)(S.O.) (周嘉洛飾)、朱凌凌(吳偉豪飾)之後向觀眾派「福利」。到左尋晚個集,最期待的畫面終於出現啦!!但呢集的焦點係Icy(岑杏賢飾)?


讀者可以參考以上片段。Terry「黑化」之後就變得好精明,又擅長運用各種權謀術,大玩「辦公室政治」!唔單止用計搞到二房派「無啖好食」,又令自己係大房派入面都地位急升,深受大龍生(羅樂林飾)器重,大小姐龍力蓮(林淑敏飾)同埋KC都唔敢再話Terry蠢,因為分分鐘俾佢話番轉頭。為左鞏固自己的勢力,佢仲想打撃「外戚大聯盟」,即係Icy加埋Peter(杜大偉飾),拉攏佢地加入大房派。


反而KC就睇唔過眼,覺得Terry咁做太絕,於是就話左Terry幾句。你都知宜家D細佬唔話得架MA!!更何況係聰明左的Terry。於是佢就「整蠱」醉左的KC(Terry佢又真係幾蠱惑左好多,成日整蠱人),話已經到左巴士站,叫佢落車!醉左的KC都唔知自己做D咩,熱得滯就開始除衫派「福利」,仲要俾人拍片擺上網,真係陰公。呢個時候,KC係差館就要Icy黎救佢啦。


Icy佢原來對KC有D意思,所以見到KC咁慘就好主動幫佢。為左製造不在場證據,Icy專登凌晨時分同KC番接龍Office扮通宵開會,仲要俾鐵面陳(王致狄飾)見到,等佢幫口澄清條片裸跑個個人唔係KC。之後KC為表謝意,又送野食俾Icy,又約Icy食飯。Icy當然「搭哂糖」,但俾佢發現KC原來中意Helen(姚瑩瑩飾)!!心水清的觀眾記得Helen又變番單身狀態,因為佢踼爆左阿John(何啟南飾)「偷食」(又係衰偷食),之後Icy,KC同Helen會唔會演變成另一段「三角關係」呢?


唔講唔知大家記唔記得,飾演Icy的岑杏賢原來已經入行接近7年,仲要係選美出身,就係同最近的「安心事件」女主角黃心穎同一屆的港姐。之前係公眾眼中,都係因為佢之前同袁偉豪有一段情。如果唔提佢個人感情生活的話,佢係演藝事業入面都有咩特別角色令人印象深刻。不過《愛.回家之開心速遞》入面的Icy可以話係佢開始「入屋」的角色!!希望除左Icy之外,佢仲會有其他「代表作」啦!!!

Ref: TVB,岑杏賢IG

如果喜歡我們的文章,請即分享到︰

標籤: TVB  愛回家  開心速遞  Icy  岑杏賢  KC  歐瑞偉  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→