《愛.回家之開心速遞》- 龍兄龍弟:龍力士同Terry原來「好有愛」!?

尋晚的《愛.回家之開心速遞》講到接龍集團兩位太子爺的大日子,原來二房的龍力士(鄭世豪飾)同大房的Terry(李偉健飾)係同年同月同日生!!


讀者可以參考以上片段。雖然睇開愛回家的朋友都知大房同二房的人關係勢成水火,但原來龍力士同Terry的私人的關係唔錯。0:36個度,Terry都有話: 「諗起都幾得意架,我同你唔係孖生,又唔係同一個阿媽生,但就係一對同年同月同日生的兄弟WO!!! 」的確係幾特別。龍力士有解釋點解會咁樣,就係因為兩邊的媽媽爭住生長子,關係到爭家產當然好大影響。


不過其實佢地兩兄弟之間其實「好有愛」,當Terry佢生日蛋糕都未食,又俾家姐趕左出去個陣,呢個時候龍力士就出現啦!!!就黎12點又未食生日蛋糕個陣,龍力士就係個袋個度拎左個孖寶蛋糕出黎。原來佢地細個都試過生日要一齊食孖寶蛋糕當生日蛋糕。


雖然通常要食孖寶蛋糕/雪芳蛋糕都係一D愛情片入面的橋段黎,但換轉係Terry同龍力士呢兩兄弟,小編都覺得佢地之間「好有愛」,可能因為佢地兩個本身代表住唔同房的人,本身大房與二房之間都充滿火藥味,所以佢地之間的兄弟情特別有愛,唔知你又覺唔覺呢?

Ref: TVB

如果喜歡我們的文章,請即分享到︰

標籤: TVB  愛回家  開心速遞  Terry  李偉健  龍力士  鄭世豪  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→