《愛.回家之開心速遞》- 分叉的感情線?! 又一對新HEHE拍擋

尋晚的《愛.回家之開心速遞》又講番George(張明偉飾)(港版G-dragon!!)同心如(蘇韻姿飾)條線,但心如舊愛池子孝(阮政峰飾)又再牽涉其中,真係「分叉的感情線」。讀者可以參考以下片段。


池子孝自從做左龍敢威的私人保鑣兼司機之後,已經今時唔同往日,但佢仍然想考好DSE,所以就去左心如開個間補習社報Course。George經過上次「道德重整會」搞的「道德重整營」之後仍然未可以放低對心如的感情,所以一見到情敵現身,就專登俾佢可以上埋自己D堂,乘機可以近距離觀察下情敵。

既然引到情敵上自己D堂,George就「公器私用」,乘機係咁係課堂入面當住咁多學生面前係咁鬧池子孝,鬧到周圍D學生個個都話得人驚,要轉去其他補習社。


但最好笑都係1:24個度,話說池子孝發現George整爛心如個塊紙板公仔(實情係George又再FF到自己都停唔到,所以唯有忍痛整爛塊板) ,所以即時「英雄救美」。點知糾纏間就變左以下畫面,而心如又岩岩遇著剛剛見到呢下「Gay情四射」的埸面,真係嚇死心如!!


睇住呢條「分叉的感情線」,真係唔知最後佢地的發展係點。小編自己私心希望池子孝可以同番心如一齊,因為池子孝的付出真係好多,雖然佢同心如的背景真係差好多(反而George就同心如背景接近) ,但愛情應該唔計呢D野GE(好似係)。睇下之後的發展係點啦!
Ref: TVB

標籤: TVB  愛回家  開心速遞  池子孝  George  心如  

留言


請按此登錄後留言。未成為會員? 立即註冊
    快捷鍵:←
    快捷鍵:→