【忍辱負重】《倚天屠龍記》- 光明右使范遙參上!!套套武俠片都有「范遙」!?

尋晚《倚天屠龍記》的劇情講到張無忌(曾舜晞飾)的明教係蝴蝶谷召開明教大會。開完會之後,張無忌等人就向大都進發。一直以黎,如果提起明教教主以外最高權力的人,大家都好自然諗起「光明左使」楊逍(林雨申飾),因為同佢同Rank的「光明右使」一直都下落不明。終於到左尋晚個集明教教主張無忌終於親眼見到同楊逍合稱「逍遙二仙」的范遙(宗峰岩飾)。讀者可以參考以下片段。


之前的劇情講到趙敏(陳鈺琪飾)捉哂六大派的高手,將佢地「軟禁」係萬安寺。因為各個高手都中左「十香軟筋散」,所以內力全失。而趙敏就一邊話要招降,另一邊又想乘機學六大派的拿手武功。因為滅絕師太(周海媚飾)寧死不屈,所以趙敏一直學唔到峨嵋派的招式,於是佢就要周芷若(祝緒丹飾)同佢的手下比武,仲突然改規矩,由原本的「輸左斬手指」變左「輸就畫花面」(毀容),好明顯就係想摧毀情敵,你話趙敏幾惡毒呢。見到芷若妹妹情況咁危急,就算楊左使再三勸阻,無忌哥哥都要出手啦。成個情況「苦頭陀」(范遙)就一直係旁邊睇哂,最後張教主當然可以全身而退。


范遙之後決定要參見明教教主啦。佢先去到張無忌佢地休息的地方,再引佢地去到「一個好多遮的地方」,再用手勢叫楊左使同「青翼蝠王」韋一笑退下,之後就開始同新一代的明教教主比武,赤手空拳之後又再轉去「格劍」,比武最尾個下把劍「入鞘」唔知點解覺得佢地有D「HEHE」(視覺效果)。知道新任教主的實力之後,范遙終於可以講:「光明右使范遙參見教主」!



唔知大家見到范遙的時候,覺唔覺個演員宗峰岩好似熟口熟面?因為佢又係好似飾演「金毛獅王」謝遜的黑子一樣,做過好多套武俠片。係之前TVB有買番黎播的《射鵰英雄傳》(即係楊旭文做郭靖、李一桐做黃蓉個個版本),宗峰岩就係做楊康(陳星旭飾)的「養父」完顏洪烈。再之前的《神鵰俠侶》(陳曉做過兒、陳妍希做「小龍包」個個版本),佢就係「老毒物」「西毒」歐陽鋒。至於霍建華做令狐沖的《笑傲江湖》,宗峰岩又係做「第二把交椅」,今次就係日月神教的左右護法曲洋,所以宗峰岩都可以話係武俠片的「大眾臉」!!!

Ref: TVB

如果喜歡我們的文章,請即分享到︰

標籤: TVB  倚天屠龍記  范遙  宗峰岩  光明右使  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→