廢柴勇者與最強的吉他他老伯-咕嚕咕嚕魔法陣

講起吉他他老伯,大家一定會諗起佢「笑騎騎」咁跳吉他他舞,呢個一定係「咕嚕咕嚕魔法陣」入面最令人深刻的片段(你唔好話你記得歌莉畫魔法陣同仁傑揮劍個畫面多過吉他他老伯跳吉他他舞,你講小編都唔多信LOR)。相信好多人都知「咕嚕咕嚕魔法陣」出左新版本。但以小編一向睇動畫的「龜速」(好少線上追新番),都係TVB播先有睇。讀者可以按以下連結。


套動畫的主角,吉他他老伯,連同魔女歌莉,因為要將魔王再次封印,所以就踏上冒險旅程。(迷之聲:主角係勇者仁傑先岩)。就好似典型RPG一樣,佢地呢對拍擋係旅程入面遇到唔同的NPC同敵人。對住敵人(雖然佢地都唔係好勁) ,勇者仁傑同魔女歌莉往往要施展渾身解數,先可以將佢地擊退。作為光明使者的後代,仁傑最強勁就係佢凌厲的劍術(光明魔法)。而魔女歌莉可以使出最強的黑暗魔法-咕嚕咕嚕,就係畫魔法陣去使出各種類型的魔法。雖然佢地各有長處,但往往都有唔少「蝦碌」場面。不過,多得真男主角-最強的吉他他老伯出現(打氣),廢柴勇者佢地先可以搞掂對手,繼續佢地漫長的旅程。

最後,當然要分享下細個睇的版本啦,話哂都係童年回憶黎。



仲有特別版(地獄老師主題曲Version)

Ref: TVB, 咕嚕咕嚕魔法陣

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→