【安心偷食】Big Four齊哂「黃、酒、毒」,「黑歷史」拍得住BIGBANG?!

隨住Sammi(鄭秀文)係自己IG都回應左安心偷食事件(許志安偷食黃心穎事件),四位當事人都叫做交代左自己對事件的睇法,要道歉的道歉,選擇原諒的原諒,事件都叫做告一段落。但阿公蘇永康係力撐好友的時候又再同網民罵戰,事緣有網民話阿公「吸毒康」,呢樣野就勾起大家對Big Four呢個組合成員的「黑歷史」。有網民亦將Big Four同近呢幾年醜聞圍繞的韓國男子天團BIGBANG相提並論,話Big Four係香港版BIGBANG!!!因為Big Four組合的成員「加加埋埋」都齊哂「黃、酒、毒」三樣野,拍得住BIGBANG。


「黃」都係近期發生的事。許志安偷食黃心穎的安心事件就係因為佢起左色心加無左靈魂啦。而另一邊的BIGBANG成員勝利就唔係因為自己「偷食」,而係佢安排俾人食。佢投資的夜店Burning Sun加鄭俊英群組的勝利事件係韓國引爆。雖然個邊仍然係調查同起訴的階段,但勝利涉嫌性招待的罪行都愈來愈浮面。正所謂「食色性也」,兩個組合的成員都逃唔過個「色」字。


至於「酒」,唔係指酗酒,而係指因為飲酒之後「揸車」的醉駕。Big Four的代表就係宜家夜晚重播的《法證先鋒II》唱主題曲的梁漢文。佢舊年就係港島發生交通意外,正正因為佢酒後駕駛,個陣的酒精呼氣測試仲超標幾倍,事後佢都要公開道歉。另一邊的BIGBANG成員大聲雖然唔係醉駕,但都試過超速駕駛。


到「毒」,當然係講緊吸毒啦。雖然係香港都有試過禁毒大使藏毒的事(心水清的應該會記得係邊個藝人),但係娛樂圈的確時有藏毒、吸毒的藝人。BIGBANG個邊就遠近都有。遠的就係隊長G-Dragon俾人發現佢吸大麻,近的就有另一位成員T.O.P.同女練習生韓瑞希一齊吸食大麻。宜家兩位成員都服緊兵役,應該暫時唔會同毒品有關係掛?Big Four的代表就係一開始提到同網民罵戰的阿公蘇永康,佢試過涉嫌服食和藏有搖頭丸,所有有心的網民就鬧阿公係「吸毒康」。


Big Four係香港(曾經)好受歡迎,係音樂成就上固然比唔少韓國男子天團BIGBANG,不過原來係黑歷史方面已經比得上(當然唔係好事啦)。係勝利退出娛樂圈加上各成員服兵役的情況下,BIGBANG都已經接近解體狀態。Big Four的情況都差唔多,因為許志安都要避避風頭。有生之年仲會唔會見到Big Four「Full team」,應該都難囉!!


Ref: TVB,網上圖片

如果喜歡我們的文章,請即分享到︰

標籤: 安心偷食  Big Four  蘇永康  BIGBANG  勝利  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→