《守護神之保險調查》– 連姐夫都敢殺的彭耀陽(金剛)?!

好耐好耐之前,小編寫過篇文係話過《守護神之保險調查》係值得期待的新作,事實已經證明左唔係啦。反而,睇呢套劇變左係睇番每個單元入面一D好耐無見的配角(指係TVB劇集入面),例如: 邵美琪、顏國樑、艾威、張松枝、溫碧霞……最近講到一個單元係講爭產,小編有得睇番幾中意的演員。其實唔應該講係演員,因為佢拍的戲唔多,所以應該話係藝人先岩。個個人就係----金剛。


讀者可以參考以上片段。劇情講到彭慧玲(康華飾)其實同佢細佬彭耀陽(金剛飾)係去旅行個陣知道自己有胃癌,跟住佢就買左人壽保險,諗住昆保險,最尾事敗。但佢家姐同老公突然遇到交通意外而重傷入院(劇情個陣講到兩個都就死,只係邊個死先咁解)。呢個時候,兩公婆邊個死先就會影響到佢地的家產係點分配,因為佢地兩個都無定遺產係點分配。老婆死先就會由老公D同老公D親屬拎到,調番轉的話,就會係金剛可以拎哂。


小編覺得金剛係呢幾集都可以做到個種「貪錢鬼」的性格出黎,特別係鬼迷心竅個陣殺左佢姐夫個下,真係睇到小編好入戲。諗番金剛一真係以搞笑藝人的形式出現係觀眾眼前(獎門人、同小儀一齊做的街坊廚神個D節目) ,但佢做呢種MK貪錢佬又做得幾似。

諗番金剛做過最令小編記得的角色係《巾幗梟雄之義海豪情》的向山大佐同《降魔的》入面的馬家烈(即係小馬的親生老豆) ,一個就因為真係好似日本仔而備受讚賞,另一個就因為SHOW到個種親情的可貴而感動人心,都係令人難忘的角色黎!!!唔知你覺得係唔係呢?


Ref: TVB

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→