《守護神之保險調查》– 劇情欠亮點,女主角「可有可無」?!

小編係《守護神之保險調查》播之前有講過佢應該係值得期待的新作。到宜家已經播左兩個星期,係度講下小編對呢套劇暫時的睇法。


讀者可以參考以上片段。套劇暫時以兩至三集為單元的形式去講劇情。片段入面就講緊其中一條感情線杜心茹(小杜)(劉心悠飾)同袁俊(林德信飾)。袁律師就想搵阿百(百天明)(黃宗澤飾)做軍師幫手。阿百個種生動、幽默的Style係暫時小編覺得呢套劇其中一個「亮點」。不過,與其話係「亮點」,其實應該話係小編透過睇呢套劇搵番睇「波斯高」Bosco做戲個種情懷。因為Bosco過往做好多戲的角色設定都係呢種搞笑帶點認真、輕浮得黎又帶點沈穩的類型,要講最近佢做呢類型角色的典型例子係好耐之前的《警犬巴打》入面的巴打。佢其他角色都有呢種Style的影子,就好似《溏心風暴3》入面的凌乘風(阿九)同《幕後玩家》的Sheldon。所以,今次阿百呢個角色只可以話呈現番「波斯高Style」。


小編覺得另一個亮點當然係「三哥」苗僑偉做的張東。睇左咁多集,張東幾乎係每個單元故事入面的破案關鍵。雖然話張東係前高級督察,但劇情入面講到張東超乎常人的推理能力同觀察力,比起佢保險調查組入面另外兩個成員真係高唔止一個Level。果然「薑係越老越辣」!


反而另外兩個女主角劉心悠同徐子珊,劇情黎講暫時都係「可有可無」的雞肋,特別係徐子珊的葉子,可能因為情節未直接牽涉到佢,而同張東的感情線又未太明顯。暫時小編覺得寫得最好的單元係黃蓮(邵美琪飾)同Richard(顏國樑飾)個PART黃昏戀。唔知你覺得係唔係呢?

Ref: TVB

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→