【好純呀!!!】《娛樂大家》: 久違的嘉欣BB – 盤點過往鍾嘉欣4個經典角色!!!

小編之前講過《娛樂大家》作為一個遊戲節目係唔錯的,亦見到呢個節目陸續加入唔同的環節,務求真係可以「娛樂大家」,例如今集新出的「Liza Magic」(即係Liza姐Hold Black Magic。另外,每集重點的「Cheat Chat」環節真係每次都笑到噴飯!!不過,今集特別好睇,因為有嘉欣BB!!(唔係同何廣沛拍《3曰2夜》的龔嘉欣,係鍾嘉欣呀!!!)


讀者可以參考以上片段。4:13個度,嘉欣BB就遭到「Cheat Chat」老手陸浩(陸浩明)伏擊。聰明的嘉欣就已經意識到有「伏」,巧妙咁避開左,讚Bella(林穎彤)靚,而唔係陸浩指的「Beautiful」(因為佢唔可以認同別人,唔係就會輸)。但佢諗住引Jinny(吳若希)雙手握拳就衰左。到8:09,Jinny就反擊啦,問嘉欣點樣Keep fit,仲「連消帶打」攻埋阿Ben(袁偉豪)。嘉欣一句:「我明啦!!咁Le,我就唔係好知應該講咩野,咁我會盡量去講其他野」就化解左一次攻勢。跟住佢巧妙咁問梁競徽(前名梁烈唯):「你阿媽點呀?」(小編睇緊個陣都笑左,無啦啦做咩嘉欣BB要問候人地「娘親」呢?)原來係之後個句:「你爸爸點呀?」先至係攻勢!!! 梁競徽就即刻中左招,因為佢唔講得「爸爸」!!! 嘉欣BB真係醒。不過到玩「Liza Magic」就考起佢啦,估左勁耐都唔知拍左幾多隻蚊!!!之後估阿姐可以「車」你去的地方都要靠「Yellow River」(黃河)先可以勉強過關!!!

睇呢集特別開心,當然因為好耐無係「電視框」入面見到嘉欣BB。小編借此機會分享下鍾嘉欣過往一D經典角色,當係同大家回憶下:

1.《皆大歡喜》: 洪白嵐


作為嘉欣BB「華姐」(國際華裔小姐競選)之後的出道作,個陣就覺得係一個幾靚的女演員。加上個陣的《皆大歡喜》就好似宜家《愛.回家之開心速遞》一樣,好快就可以令到演員「入屋」!

2.《法證先鋒》: 林汀汀


宜家夜晚重播的《法證先鋒》都有嘉欣BB份,作為一個專業的法證人員,可惜第2季就被炸彈「炸走左」!!

3.《溏心風暴》: 常在心


個陣套劇收視好好,加上嘉欣BB做的常在心同陳豪的得得地好襯,所以令人印象深刻。

4.《點解阿Sir係阿Sir》: 古嘉嵐


個陣一套幾好笑的校園劇,點知嘉欣BB結局的「爆喊」搶哂戲!!!唔知你覺得嘉欣BB的經典角色又係咩呢?


Ref: TVB,網上圖片

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→