【天馬行空】《倚天屠龍記》- 「逍遙二仙」同「玄冥二老」對打邊個會贏!?

因為見到文章下有網上的朋友留言,首先要澄清一D野,就係小編並無以「劇透」的名義誤導讀者。小編睇呢套《倚天屠龍記》的進度就係TVB播放的進度,雖然網上連大結局都出埋,但小編並無網上追劇的習慣,加上未睇過原著(呢個係一個問題?小編係愛睇劇多過睇書),試問又如何劇透呢?另外,可能有讀者覺得文章提到的劇情太多,但因為讀者睇呢套《倚天屠龍記》的進度亦可以有唔同,有D可能會因貴人事忙而Miss左一D情節,所以提及劇情都係想照顧番唔同進度的讀者。最後,都係大家互相尊重,多多包涵,支持原創文章。


入番正題,讀者可以參考以上片段。最近呢個星期的劇情圍繞係萬安寺,一直隱姓埋名的「苦頭陀」(范遙)(宗峰岩飾)終於係見到張無忌(曾舜晞飾)呢位新一代明教教主之後,終於可以同「光明左使」楊逍(林雨申飾)相認,雖然范遙佢個「靚仔樣」因為佢當年的「決心」,但武功經過咁耐日子已經大有進步。而楊左使作為「逍遙二仙」之一,仲早過主角張無忌去學明教的鎮教之寶「乾坤大挪移」心法,雖然佢只係學到第二層,但都已經非常利害。論武功,「逍遙二仙」都可以話係《倚天屠龍記》的高手之列。咁如果「逍遙二仙」同「玄冥二老」對打,邊個會贏呢?


「玄冥二老」最強的絕招,當然係當年累到主角張無忌受左多年寒毒之苦的「玄冥神掌」,亦都可以話係《倚天屠龍記》的高手之一。暫時的劇情都無見過佢地打輸。所以如果以武功黎講,「玄冥二老」同「逍遙二仙」打可以話係不相伯仲。但如果「鬥智」的話,小編就覺得「逍遙二仙」就略勝一籌。先講下「光明左使」楊逍,就算宜家張無忌已經作為明教教主,但主要出謀獻策的仲係英俊瀟灑的楊左使。而剛剛身份曝光的范遙,最近兩集直頭將「玄冥二老」的鶴筆翁同鹿杖客玩到「頭都大埋」。因為鶴筆翁係個「酒鬼」,而鹿杖客就係一個「大淫賊」,所以「光明右使」范遙就可以先用酒搞到鶴筆翁以為自己中左佢俾六大派高手食的「十香軟筋散」,再利用鹿杖客迷上汝陽王小妾韓姬呢一點,當然仲有話滅絕師太(周海媚飾)係自己老相好,搞到鹿杖客乖乖咁交出「十香軟筋散」的解藥!由此可見,「逍遙二仙」係可以「智取」「玄冥二老」(今集直頭范遙可以幫「淫鹿」點埋穴道)。


當然,暫時劇情都無試過「玄冥二老」同「逍遙二仙」二打二(唔排除之後的劇情有),唔知你又覺得邊一邊會贏呢?


Ref: TVB

標籤: TVB  倚天屠龍記  楊逍  范遙  玄冥二老  

留言


請按此登錄後留言。未成為會員? 立即註冊
    快捷鍵:←
    快捷鍵:→