《大帥哥》- Final Boss 馬炭完成「百人斬」!!!

今個星期係《大帥哥》的結局編,劇情開始講到馬炭(洪永城飾)「黑化」,開始陸續亂殺人,尋晚個集就講到羅義(徐榮飾)同馬炭去進行最後一次「決鬥」!

讀者可以參考以上片段。事緣羅義劫獄之後同狄奇一齊逃走,之後俾李細龜(張達倫飾)同馬炭的追兵追擊。為左令到狄奇可以成功逃走,羅義「義字當頭」,決定犧牲自己,於是打暈狄奇之後,就係追兵面前現身。羅義死都唔肯透露大帥哥行蹤,仲話要同馬炭「決鬥」,李細龜都和議,因為佢都想睇到狄奇陣營的人兄弟相殘。


0:18個度,羅義一黎就唱番狄奇之前教過的哀歌: 「陽壽盡,落陰谷」。只係睇羅義一咁唱都知道佢視死如歸。果然係「決鬥」入面,羅義佢選擇「讓賽」,專登射唔中馬炭。相反,馬炭就真係開槍射死羅義。又一個「義氣仔女」犧牲左…..


由《大帥哥》開播宜家,馬炭其實真係「當之無愧」的Final Boss黎。劇情已經交代馬炭係有日本佐滕家的血統。講起日本軍人的話,大家最易諗到的關鍵詞,相信離不開「百人斬」、「神風敢死隊」呢D字。計下計下馬炭都應該就快達成「百人斬」: 先狂「插」麥先根(彭懷安飾)、再「英雄救美」殺左北野導演、之後槍決佘南(古明華飾)、跟住再為民族奮鬥槍殺日本間諜舞川奈伊(天嬌嫂) (譚凱琪飾)、到宜家殺埋兄弟羅義、仲未計佢殺過的敵兵。「百人斬」成就都已經解鎖啦,果然係Final Boss!!!

Ref: TVB

如果喜歡我們的文章,請即分享到︰

標籤: TVB  大帥哥  洪永城  馬炭  徐榮  羅義  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→