《大帥哥》- 王者歸來: 狄奇之反撃!!!

話說《大帥哥》狄奇前排講完句: 「馬炭,你殺左羅義!!!! 」之後,就消失係眾人之前,原來佢策劃緊一埸「狄奇之反撃」。讀者可以參考以下片段。


艾妞(楊秀惠飾)係羅義(徐榮飾)死左而大帥哥又走左佬的情況下,俾馬炭(洪永城飾)同顧落蘆(曹永廉飾)勒令要緊縮開支,係無咩幾個錢洗的情況下,艾妞唯有去李細龜(張達倫飾)旗下的賭場個度賭番兩手,務求「單車變摩托」。就係佢去賭場的時候,狄奇終於係艾妞面前現身!!!


0:26個度,艾妞一句就講到結局編的重心:「以前有大帥哥的大帥府,同宜家無大帥哥的大帥府,係唔同哂架啦。」小編最近睇呢幾集特別有感受,最初大帥府的熱熱鬧鬧,同宜家馬炭掌管的大帥府真係天淵之別。有好幾個埸面,都只係見到得馬炭一個人係大帥府個度諗下自己點樣可以「發圍」,真係冷清!


到艾妞問狄奇可唔可以番番以前,狄奇只可以唏噓咁樣答佢: 「我都想,如果可以番番以前,我最想番番羅義死之前」。睇到呢幕,真係係鏡頭都Feel到狄奇幾傷心,細心的觀眾可以見到狄奇係「黑超」之下係流緊眼淚…..真心希望「狄奇之反撃」可以成功,期待星期五的大結局!!

Ref: TVB

如果喜歡我們的文章,請即分享到︰

標籤: TVB  大帥哥  狄奇  艾妞  楊秀惠  

fanpiece 推薦

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→