《大帥哥》- 女版大帥哥「橫空出世」!!!

之前小編同大家講過狄奇的大姨太天嬌嫂,今次就想講下佢的三姨太章沅婉(蔡思貝飾)。通常D人會話情侶之間唔單止個樣會愈來愈似,連動靜都會差唔多。讀者可以參考以下片段。



呢排《大帥哥》劇情愈黎愈多角色的「個人SOLO」。今次就到沅婉。片段一開始好笑的係狄奇。沅婉到監獄探監個陣突然除衫,狄奇就話:「雖然我係一個死囚,我都有權帶住純潔GE肉體離開呢個世界!」搞笑過後就到沅婉的深情剖白。0:58個度開始沅婉就好似大帥哥上身咁,連珠光炮發咁講出一連串對白:「咁你個陣時就要我夾硬做你女人囉。點解我宜家唔可以夾硬嫁俾你呀?我都係學你架。你唔應承我的話。我就著住呢套裙褂上吊,做你的鬼新娘。你就算避我避到落十八層地獄,我就「兜」落去十九層到攔截你,逼你上番十七層。你再去到奈何橋,飲埋孟婆湯,我都會好似一條非洲大蟒蛇咁樣纏住你,你係走唔甩架啦!我係唔係型到離哂地,勁到噴哂汁呀? 」連狄奇都好似見到自己一樣!!


「Bravo, bravo!!!!」睇完蔡思貝呢段個人表現之後,小編先至「驚嘆」原來佢的演技不知不覺間進步左咁多。誠然,小編本身唔太中意睇佢的戲,但今次真係見到女版大帥哥「橫空出世」。係《大帥哥》蔡思貝做的沅婉,比起佢初初出道個陣的角色真係好左好多,已經唔再係「吳下阿蒙」。你又覺得點呢?


Ref: TVB

如果喜歡我們的文章,請即分享到︰

標籤: TVB  大帥哥  蔡思貝  章沅婉  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→