【又劇透?】《愛.回家之開心速遞》- 趁Avengers再臨的時候出《報仇者》!?

《愛.回家之開心速遞》的劇情可以話係千變萬化,往往係估佢唔到。上星期的歐陽波比特別編先至一次過惡搞完《金裝四大才子》、《梁山伯與祝英台》同《色,戒》。今集就再惡搞之前萬眾期待的超級英雄電影《復仇者聯盟4:終局之戰》。原本4月份開畫票房超強的復仇者聯盟宜家先播《愛.回家之開心速遞》的惡搞版,好似遲左少少,但又咁好彩撞番《復仇者聯盟4》會額外新增內容再推出重映版,所以可以話《報仇者》的出現時間黎得剛剛好。都係個句:「劇透X全家」!


讀者可以參考以上片段。熊家上上下下原本諗住全家一齊睇《報仇者》,但因為大家姐尚善老師熊尚善(滕麗名飾)要係橫店拍《曹總傳》,佢就無辦法係首映個日睇,根叔熊樹根(劉丹飾)仍然希望可以全家一齊睇,所以就決定要等埋尚善老師。但就因為根叔呢個決定,熊家的上上下下就要面對無數的《報仇者》的劇透攻勢!無論係接龍集團、新威龍廣場、香港島大學、甚至連食屎陳師奶都充滿住各式各讓的劇透,熊家眾人可以話係避無可避。


平時俾人感覺「有佢講,無人講」的大小姐龍力蓮(林淑敏飾),就好好咁為一眾戲迷發聲,見到IT部三子周圍去搵人劇透的時候,就幫D未睇《報仇者》的朋友話佢地:「你地有無公德心架?周圍劇透好好玩咩?人地都想睇架MA,得你地知人地唔知咁啦WO」大小姐呢番說話真係「一言驚醒洛克人」,完全講中哂個D睇唔到優先場或者頭幾場,但又要忍受周圍的人不停劇透的痛苦。所以大小姐更加懲罰下IT部三子,要佢地三個睇足一百場,真係睇到D劇情調番轉都可以背到出黎。


咁多個劇透的人入面,最慘就一定係George(張明偉飾)。明明熊心如(蘇韻姿飾)之前講到好多心理學理論話劇透有助理解劇情,自己亦都同George講話唔驚劇透,當阿George好心諗住開心Share的時間,換黎的又係一巴掌。今次係繼George同心如表白失敗之後再捱的第二巴掌,真係陰公。而IT部三子最後都仲係死性不改,繼續劇透,終於激到熊家變埋「報仇者聯盟」。唔知你覺得原裝的「復仇者聯盟」好D,亦或係「愛回家」呢個惡搞版好D呢?


Ref: TVB

標籤: TVB  愛回家  開心速遞  報仇者  劇透  

留言


請按此登錄後留言。未成為會員? 立即註冊
    快捷鍵:←
    快捷鍵:→