【加速】《倚天屠龍記》- 四大女主角下場一集講哂?!

本身最近幾集《倚天屠龍記》都講緊波斯明教係靈蛇島追撃張無忌(曾舜晞飾)佢地幾個,見佢地一打就打幾集(仲耐過之前光明頂六大門派圍攻明教同萬安寺大戰),點知星期一呢集劇情好似「開Turbo」咁去,先係一直俾網民封為「最靚小昭」的小昭(許雅婷飾),下定決心代替佢阿媽黛綺絲(即係金花婆婆)番去波斯明教做聖女(黛綺絲比小昭個造型更加似外族人)。跟住諗住劇情會放慢的時候,張無忌的表妹殷離(即係蛛兒)(曹曦月飾)突然間就慘遭毒手,之後無忌的義父「金毛獅王」謝遜(黑子飾)又好快安排周芷若(祝緒丹飾)同佢訂親,趙敏(陳鈺琪飾)更加失埋蹤,佢地可以番中原的船又無埋,劇情快到好似「坐過山車」咁。


讀者可以參考以上片段。先講小昭要番去波斯明教,佢由一出世其實已經好坎坷,成世人都好似俾佢阿媽黛綺絲安排哂咁,要去明教個度偷明教的鎮教之寶「乾坤大挪移」心法。之前已經要俾「光明左使」楊逍(林雨申飾)同佢個女楊不悔(孫安可飾)當丫鬟咁呼呼喝喝。難得係明教遇到自己的意中人張無忌,甘心做佢的貼身丫鬟,本身可以跟住教主「跟出跟入」,生活寫意。但又同佢阿媽遇番波斯明教,終於要好似花本蘭咁「代夫從軍」,最後一次幫教主沐浴更衣亦都係佢最後一次做自己鍾意做的事,實在可惜。


殷離(即係蛛兒)的下場都好慘,本身細細個已經有一個唔好的童年(母親早死,又同父親決裂),係靈蛇島跟住金花婆婆都稱唔上有D咩好日子。係蝴蝶谷遇到一生最愛的張無忌,但係大個之後一直尋尋覓覓,都一直搵唔到佢。雖然張無忌一直化名曾阿牛陪住佢,但就算曾阿牛對佢幾好都好,係蛛兒眼中曾阿牛同張無忌始終係兩個唔同的人,最慘的係曾阿牛有講過自己係張無忌,但蛛兒個下重傷聽唔到,周芷若亦有係佢面前叫張無忌做「無忌哥哥」,蛛兒又無在意。到尋晚個集張無忌有再認自己係張無忌,但蛛兒又唔信,終於要帶住「曾阿牛同張無忌係兩個人」的遺憾離開人世。


趙敏同張無忌今集好多直接講兩人身份對抗的劇情,真係睇到令人感嘆佢地背景上的差異。學小昭臨走咁講,呢一刻張無忌係最愛趙敏。但趙敏唔見左的時候,義父「金毛獅王」又安排張無忌同周芷若成親,好彩變左訂親!作為敏黨的小編,梗係覺得張無忌配趙敏最襯,唔知你又點睇張無忌同其他女角的關係呢?


Ref: TVB

如果喜歡我們的文章,請即分享到︰

標籤: TVB  倚天屠龍記  張無忌  小昭  殷離  周芷若  趙敏  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→