【兒童不宜】《娛樂大家》- 馮盈盈被問點解紅燈區特別好玩

《娛樂大家》今集的主題反璞歸真,就係「娛樂」,而「娛樂家族」,佢地的對手可以話係「主持人隊」,因為成隊人都基本上係TVB各綜藝節目的主持黎,四個加埋的話可能星期一至日都見到佢地,有《東張西望》的代表區永權、過往主持多個兒童節目的譚玉瑛姐姐(最近出街的係《香港原味道》)、有「索腿天后」之稱的陳敏之(主持開的《流行經典50年》又要換班)。雖然小儀唔係TVB的主力主持,但最近先又重播完佢同金剛的《街坊廚神》。所以,如果計主持經驗的話,「主持人隊」應該可以話係拋離「娛樂家族」。


讀者可以參考以上片段。因為去左拍《荷蘭好玩》而好耐無係「娛樂家族」出現的FYY馮盈盈同麥明詩(Louisa),一番黎就做左阿姐係「Cheat Chat」環節的頭號攻擊對象。一向防衛力強的麥明詩(佢玩「Cheat Chat」通常都輸好少,拍得住上集一樣防衛力好強的Madam Lo盧宛茵),可能估自己頭上面個牌係「荷蘭」,所以都只係用英文講阿姆斯特丹。之後佢講起佢同馮盈盈同荷蘭Twins玩的時候,小儀就Trap到馮盈盈,問係邊度搵到荷蘭Twins,馮盈盈就自爆係「紅燈區」搵到佢地。


到阿姐再問馮盈盈係「紅燈區」的體驗的時候,馮盈盈就話:「因為我平時比較純情」,之後「阿公」蘇永康即刻話:「你算啦!」馮盈盈之後再補充話自己主要留係屋企同去圖書館讀書,跟住連森美都忍唔住話佢:「關咩事!小儀「舊」淫蕩!」之後仲指住小儀問佢:「你去過紅燈區未?」小儀聽完問題就好認真咁答:「我去綠燈區!」跟住譚玉瑛姐姐就突然舉手話自己有去過紅燈區。森美就再追問: 「你去開工呀?」呢下真係笑死小編。阿姐又再追問:「但佢主持兒童節目架Ma,點會去紅燈區?」譚玉瑛姐姐就話:「Survey下姐」,估唔到譚玉瑛姐姐咁搞笑!


之後比較好笑的位就係圍繞「索腿天后」的攻防戰。個個都想Trap陳敏之自己唔認自己係「索腿天后」。之後個波拋拋下又傳左俾最鍾意Trap人的Arnold郭子豪。唔講都唔記得原來佢同陳敏之係《親親我好媽》入面有對手戲,個陣郭子豪做一個單戀Miss的學生。郭子豪玩呢個Game的確已經步入高手的之列,當陳敏之問佢記唔記得自己個「朵」(稱號)個陣,佢好巧妙咁避左,之後仲成功「舉報」,「講索腿天后」,又真係一字不漏,幾利害!


Ref: TVB

標籤: TVB  娛樂大家  馮盈盈  小儀  譚玉瑛  陳敏之  

留言


請按此登錄後留言。未成為會員? 立即註冊
    快捷鍵:←
    快捷鍵:→