《兄弟》大結局 – 無BBQ就係好結局?!(有劇透)

《兄弟》終於大結局,如果抱住「聽故唔好駁故」的心情去睇的話,小編覺得其實OK,始終結局無BBQ,亦都算將之前劇情入面的伏線收番尾。仲要額外附帶「遊戲王」入面的「死者蘇生」,俾Iron(伍允龍飾)重生露番兩手。雖然小編覺得Sitting(江嘉敏飾)死唔去個PART真係幾神奇。讀者可以按以下連結。



大結局入面有3句對白都令小編幾有印象,係度分享下。


1. Fever(王浩信飾): 「每個人都想擺脫唔同的規則同規矩,所以會諗唔同的方法,但其實只係想獲得更大的利益同權力」(唔記得字眼係唔係咁,但意思相差無幾) 。呢句對白就係成套劇的起源。無論係龐士佳(潘志文飾)、尹成亨(石修飾)/騎士會、展國鋒(鄭子誠飾) ,甚至係蔣萬祺(秦煌飾) ,每個都有自己的野心,想個「世界」圍住佢地轉!

2. Leo(楊明飾):「係VR世界打贏左人,真係咁有成就感?」劇情後半部好強調VR的情節,特別係網絡世界同現實世界的真真假假。雖然小編細細個睇「數碼暴龍」已經有諗過類似的概念,但睇完呢套劇之後又會諗下「鍵盤戰士」又係唔係咁呢?(其實小編宜家都係「鍵盤戰士」一份子……)。

3. Iron:「兄弟,永遠都係兄弟。」叫做呼應番成套劇的意念,見到佢地三兄弟係VR世界作最後的告別,除左有D傷感,仲有一股熱血!


未睇的朋友可以上網睇番,睇下你地又覺得係唔係咁?

Ref: TVB

如果喜歡我們的文章,請即分享到︰

標籤: TVB  兄弟  伍允龍  王浩信  楊明  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→