今年係Ali拎最佳女主角最大機會?


小編一向係Ali (李佳芯)的粉絲。12月16日就係一年一度的《萬千星輝頒獎典禮》。係小編的角度,今年會係Ali拎最佳女主角的最大機會。

Ali近幾年的戲路開始愈黎愈多。加入TVB初期,往往以女秘書、狐狸精等角色示人。到呢兩三年開始演出一些令人印象深刻的角色,特別係「踩過界」入面的大法官Never同「誇世代」入面個個瘋瘋癲癲的太子女Paris (尚可瑤)。到左今年係「BB來了」飾演新手媽媽唐恬兒,當中引起左好多媽媽的共鳴,亦見證左Ali演技的進步。

誠然,TVB近幾年頒獎典禮的叫座力比之前失色不少。特別係上年的最佳女主角係由唐詩詠憑「不懂撒嬌的女人」的角色拎到令到眾人嘩然(唔係話唐詩詠做得唔好,但我覺得凌禹勤呢個角色唔係套戲的女主角,宣萱飾演的凌敏先係)。今年情況其實無太大改善,但部分劇集,例如「逆緣」、「BB來了」、「跳躍生命線」皆有口碑。女主角方面,Ali的主要對手唔多。如果以展示演技黎講,黃智雯係「三個女人一個「因」入面做一個三重人格的角色的確加左唔少分。但套劇個陣擺左係星期六、日播,變相少左觀眾睇到。計劇集卡士,「再創世紀」同「宮心計2深宮計」理應上係最強,但胡定欣同楊怡都係角色上無咩新突破。

雖然,最佳女主角唔係最佳進步獎,但係以Ali係「BB來了」的演出黎講,期望佢今年可以拎到最佳女主角,係事業上獲得肯定。

Ref: TVB

如果喜歡我們的文章,請即分享到︰

標籤: Ali  李佳芯  BB來了  最佳女主角  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→