人蠢真係無藥醫?

好多人都會講: 「人蠢真係無藥醫」,藉此去諷刺其他人。咁究竟係唔係呢?早前,「愛.回家之開心速遞」入面就出現左神奇的情節,就係人蠢原來係有藥醫!

Terry (李偉健飾),眾所周知,一個又蠢又有錢的人,真係令人又羨慕又想取笑佢。佢成日都爆出唔少笑料,讀者可以參考以下片段。

大小姐龍力蓮(林淑敏飾)拍賣拎番黎的鑽石: 汪洋之心,之前唔見左幾日,原來俾Terry吞左落肚,所以到出現番已經係……

到今個星期四個集,Terry再接再勵,連埋安仔金城安(周嘉洛飾) ,一齊話俾大家聽,咩真係叫做蠢!
讀者可以參考以上片段,先係安仔掛住打機,搞到屋企D野俾人偷哂。到1:03個度,Terry以為名人飯堂個度有免費洗車服務,仲要俾100蚊貼士個偷車賊,真係蠢到呢……

之後佢地兩個仲要俾一個自稱係研究所的首席研究員,史提芬周博士,話研發左一種可以專醫蠢人的聰明藥,兩個人信以為真,最後又俾佢呃走左電話同銀包。
跟住佢地又敵打誤撞咁發現史提芬周住係邊,於是佢地就專登去搵佢。但史提芬周就砌詞狡辯,話係因為唔夠研究經費,所以聰明藥先未可以研發成功。點知Terry同安仔居然又信佢,仲幫佢搞埋Crowdfunding (眾籌)。最後,詭計都俾人識破,不過Terry同安仔由始至終咁蠢到最後。

其實,「人蠢真係無藥醫」又點呀,咪又係人一個,反而個種純真同率直更加難能可貴。
Ref: TVB

如果喜歡我們的文章,請即分享到︰

標籤: 愛回家  開心速遞    人頭豬  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→