【人性的考驗?】《福爾摩師奶》- 「開膛手」另有其人!?

今個星期公佈的最新收視,《福爾摩師奶》依然差過《皓鑭傳》,真係可惜,因為隔左咁耐先有港劇睇番,仲要今個星期已經係結局編。不過,劇情講到最具「開膛手」嫌疑的喬百川(林韋辰飾)居然係「開膛手」第五個「刀下亡魂」,咁好自然喬局紳唔係「開膛手」啦。

讀者可以參考以上片段。小編係套劇岩岩開播個陣講過:「如果無腦咁估下,小編會估「開膛手」係寡佬關一夫(黃智賢飾),咁樣劇情先會夠「爆」!!! 」(請參考底下連結)宜家D劇情推進下,反而一夫的嫌疑越來越大。大家唔知記唔記得杜大偉係劇集入面做的警司白羅拔就曾經以「Copycat」的形式去模仿英國開膛手去殺人。如果大膽假設,一開始係劇集殺人的「開膛手」已經係一個「Copycat」,佢需要具備咩條件先可以殺人於無形呢?


第一,佢要熟悉英國「開膛手」過往行兇的形式,換句話講佢要認識英國入面的「犯罪史」。一夫佢曾經離開過爵士夫人(陳松伶飾),中間經歷過咩野又真係無人知,仲要佢係因為爵士夫人的信先至要同鮑妹娣(陳煒飾),佢可能一直都懷恨在心,由一開始已經佈局要陷害爵士同爵士夫人,要佢地身敗名裂。


第二,佢的身手要好好。一夫佢有時著起燕尾服,成個「禮服蒙面俠」咁,岩岩個集又係腳傷的情況下救左有力嫂,側面印證左佢身手好好。當然,以上都係小編繼續無腦咁估,唔知你又估邊個先係呢?


Ref: TVB

如果喜歡我們的文章,請即分享到︰

標籤: TVB  福爾摩師奶  關一夫  黃智賢  開膛手  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→