【亮點?!】《鐵探》– 蔡思貝做臥底搶眼過紅姐惠英紅!?

暫時《鐵探》播左兩集,感覺上比起普遍TVB劇集都優勝,一開始用倒敘形式開頭已經令觀眾更加想追劇,因為想知點解會去到之後的情況。同埋頭兩集都已經有唔少令人印象深刻的場面同對白。讀者可以參考以下片段。


小編係度講下三個小編暫時覺得最有印象的場面先,居然有兩個埸面都係同招喜悅(蔡思貝飾)。第一個係尚垶(袁偉豪飾)見到臥底揸雷(即係蔡思貝)販毒之後即刻追捕佢。係鬧市個度拍追趕場面本身已經引人注目,加埋航拍機的幫助,成個追捕場面更加立體!

第二個係Bingo(姜皓文飾)佢係同其他犯係間屋Standby個陣諗起自己阿媽(盧宛茵飾)生日,跟住打電話俾患有腦退化症的阿媽講聲生日快樂。小編欣賞的唔止係佢兩母子,仲有個個黑幫「發瘟」!佢真係做得好,做到如其名,完全感受到佢「發瘟/喪」的特質。


最後一個場面係臥底揸雷(即係蔡思貝)係碼頭俾嚴世孝(泰臣飾)逼佢試貨,加埋鏡頭不停加插揸雷同阿Matt(楊明飾)(即係揸雷上司)的回憶,真係睇到咬牙切齒,因為阿Matt受制於簡Sir(許紹雄飾)同萬晞華(惠英紅飾)而唔去救人!唔知你覺得暫時印象最深刻的場面又係咩呢?

Ref: TVB

標籤: TVB  鐵探  蔡思貝  姜皓文  袁偉豪  楊明  許紹雄  惠英紅  

留言


請按此登錄後留言。未成為會員? 立即註冊
    快捷鍵:←
    快捷鍵:→