《三國機密之潛龍在淵》點評 – 耳目一新的《三國》作品,還是天花亂墜之作?

下星期一晚的7點開始會播《獨孤天下》,意味住播左好耐的《三國機密之潛龍在淵》終於大結局。小編借機講下對呢套劇的評價。


讀者可以參考以上片段(劇集主題曲) ,小編覺得首主題曲幾好聽。最初因為呢套劇係三國題材同埋有《無心法師》的韓東君(飾演司馬懿)而睇,當然唔係晚晚都可以準時睇到,加上小編比較少上網追劇,所以睇劇情的進度都係斷斷續續。雖然未睇過原著小說,但成套劇的劇情對小編黎講係耳目一新。如果係以睇《三國志》或者《三國演義》的心態去睇呢套劇,一定會覺得劇情亂黎。有咩理由漢獻帝會同司馬懿聯手?居然漢獻帝勢力會同曹魏打成平手? 郭嘉同貂蟬會係一對?小編最初睇呢套劇係集集都會有好多疑問?


但睇耐左呢套劇,小編發覺要用一個睇全新作品的心情去睇先得,只係作品入面的人物同時代背景係用左細個玩《三國無雙》入面的人咁解。反而小編欣賞作者個種破舊立新的勇氣。《三國》呢類的作品已經經歷過唔同人的修訂或者復刻,要突圍而出的就需要新的元素,作者將三國時代的內容修改,拋開固有思維同大眾的包袱,最尾都成功將故事結尾連接番晉朝的歷史背景。當中劉平(馬天宇飾)同伏壽(萬茜飾)隱居山林,被歷史吞噬,呢種手法就好似反問番觀眾: 「邊個知歷史一定係咁樣? 」大破大立的劇情,可以話同觀眾一齊發左一次《三國夢》一樣!!!

唔知你係唔係咁諗呢?


Ref: TVB

留言


請按此登錄後留言。未成為會員? 立即註冊
    快捷鍵:←
    快捷鍵:→