【一地花生?!】《福爾摩師奶》- 可能係杜大偉最多戲份的一套劇!?

杜大偉曾經作為主力的兒童節目主持(《至NET小人類》和《放學ICU》) ，係唔少80後同90後的童年回憶。如果你問我地個一代人，我地應該好少人會答佢係一個演員。不過，最近播緊的《福爾摩師奶》，應該會令唔少觀眾另眼相看。


讀者可以參考以上片段。杜大偉係劇集係做一個警司白羅拔，佢同更練狄練目(徐榮飾)係自細已經識的人，不過中間因為際遇唔同而反目。狄練目因為要白羅拔起訴陰司財(鄭敬基飾) 而跟蹤佢，而呢場戲入面佢地又講番佢地童年往事。當中更有一句有成為金句潛力的對白: 狄練目諗住勸白羅拔從良，講到佢地之前一齊執人地跌落地下的花生食，仲話花生跌落地下可以執番黎食，一粒花生兩份食。點知白羅拔就話:「花生留番俾你食啦，我要食雪茄!!! 」


無可否認，《福爾摩師奶》應該係小編睇電視見過杜大偉最多戲份的一套劇，而佢做白羅拔呢個反派亦有亮點。可能遲D人地話「食花生」個陣，另一個人駁個句就係:「我唔食花生，我要食雪茄!! 」


Ref: TVB