《一個因去跳舞》- 又一個係韓國出道的香港人!?


《少林足球》入面一句經典對白: 「做人如果無夢想,同條鹹魚有咩分別呀?」 相常好多人都知。尋晚的《一個因去跳舞》,Mandy(黃智雯)代表住一班抱住做韓星夢想的人去唔同的K pop公司個度考練習生。

讀者可以參考以上片段。因為每次參加面試的人好多,所以Mandy只可以有30秒的時間去打動評審。0:48個度,Mandy一黎已經出動佢拿手的舞蹈表演,但個評審居然完全無望過佢(可能因為佢一睇年齡已經知道唔會取錄Mandy,所以例行公事)。學Mandy自己咁講: 「佢無J我!!!」


到佢去另一間公司JELLYFISH面試個陣,評審就Pro好多啦,有交下戲去俾下評語。Mandy照樣施展渾身解數,跳舞、唱歌、演技都有。但2:48個度,評審就好「認真」咁講:「我作為負責打造IDOL的總監黎講,…..基本上Mandy擁有比起基本合格以上的資質…..」。呢層就當然啦,話哂Mandy之前先拎左馬來西亞同新加坡視后,之前台慶亦都帶住一眾藝人去跳舞。不過評審講到最關鍵的位係: 「但作為偶像練習生黎講…..我就覺得佢仍缺乏個方面的能力……」。


眾所周知,無論邊間韓國娛樂公司的偶像練習生的競爭都好大。好多K pop的明星都要「捱」好多年都先可以出道,當中的辛酸真係唔係個個都知。今次睇Mandy去試下做「超齡練習生」,可以話由側面咁反映緊呢樣野。所以睇K pop個陣,不坊欣賞下一眾IDOL為左出道而付出過的努力呀!!

Ref: TVB

如果喜歡我們的文章,請即分享到︰

標籤: TVB  一個因去跳舞  黃智雯  Mandy  K pop  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→