超高顏值率先睇~真人版《阿拉丁》上映日期確認!Will Smith 公開首張電影海報~

佛系娛樂台 於 12/10/2018 發表 收藏文章
唔知大家仲記唔記得上年七月Disney D23 博覽展既時候,官方就宣佈將會開拍真人版《阿拉丁》(Aladdin)呢?之後一直都冇消息,等到fans們頸都長埋,事隔一年,終於都有確切既消息公佈,事關啱啱 Will Smith 終於喺佢既 Instagram 公開咗首張《阿拉丁》真人版既電影海報,雖然海報上面只係得盞神燈,但依然無咗阻小編既興奮丫,而 Will Smith 自己就話「LEMME OUT!! 🧞 Can’t wait for y’all to see Me BLUE! :-)」。唔知佢係電影入面做燈神係點既呢~

《阿拉丁》早喺1992就推出,係部家喻戶曉既經典動畫片,亦都係好多人心目中既童年回憶,所以今次既真人版《阿拉丁》電影幕前到幕後既陣容都絕不馬虎,導演就由曾執導《King Arthur: Legend of the Sword》、《Sherlock Holmes》等電影既 Guy Ritchie 擔任,而女主角就係就係早前喺《Power Rangers》電影版入面飾演粉紅戰士既 Naomi Scott 扮演,男主角阿拉丁就由雖然未有代表作,但就非常咁靚仔既 Mena Massoud 所演。至於 Will Smith 就會負責出演最具代表性既燈神(Genie)一角。電影上映日期會喺明年 5 月 24 日上映,fans記得留意啦~


loading

留言


請按此登錄後留言。未成為會員? 立即註冊
    快捷鍵:←
    快捷鍵:→