破紀錄的祝福，電影業唔係只係得競爭，仲有真摯嘅祝福 精選

早前既《復仇者聯盟3：無限一戰》一上映立即就橫掃各大地區票房，並一舉破咗唔少既紀錄，《復聯3》一上映就打敗咗第一名既《星球大戰：原力覺醒》，成為咗影史首周票房最高紀錄保持者，而相當有風度既盧卡斯影業喺呢個時候就發咗一幅賀圖嚟恭喜Marvel，圖入面既人將代表星球大戰既光劍交棒俾代表MCU既Iron Man，完全就是有一個傳承交棒的意味~

引用「從一個很遙遠、很遙遠的星系......送上對地球最強大的英雄們的祝福

恭喜你們成為史上首週票房的最高電影

來自Kathy (盧卡斯影業總裁Kathleen Kennedy)與盧卡斯影業的每個人」

而其實咁既「祝賀活動」已經唔係第一次，甚至可以話係電影業界既傳統活動，完全展現咗惜英雄重英雄既氣度！呢個傳統最早出現係1979年，由兩位叱吒影壇既好朋友「George Lucas」同「Steven Spielberg」所發起！
1975年既《大白鯊》可以話係風頭一時無兩，由Steven Spielberg創造既現代商業大片都係由呢部電影開始既，並且開出4.7億美金既票房紀錄，得到咗當時既第一個票房冠軍。
而喺1977年，George Lucas既《星球大戰》上映，將《大白鯊》擠到亞軍，於是有風度既Spielberg就直接喺Variety雜誌上買咗整整一版既廣告去恭賀Lucas，當時既設計就係R2-D2去釣大白鯊~而1982年Spielberg又以《ET》搶返票房紀錄既寶座，Lucas當然都好有風度咁祝賀返摯友~
到後來Spielberg為咗祝賀星戰系列既成功，仲叫ET幫手戴上王冠添
直到1997年，淒美愛情故事《鐵達尼號》喺美國創下6.6億美金既票房佳績，Lucas就將星球大戰既人物都捉上船，祝賀導演James Cameron(占士·金馬倫)！
後來唔知點解呢項咁得意既祝賀活動就停咗，直到了2015年，呢項祝賀活動先回歸，《侏儸紀世界》打敗咗《復仇者聯盟》喺2012年創下既首周票房冠軍，Marvel就等復仇者聯盟既成員嚟祝賀呢隻大恐龍~
不過呢隻大恐龍既紀錄僅僅維持咗半年就俾後來上映既《星球大戰：原力覺醒》打破咗，而環球都延續傳統叫呢隻大恐龍嚟祝賀BB-8！而最後當然係回到呢張交棒俾《復仇者聯盟3》既賀圖啦