[搞笑]將大叔變美少女幫你按摩?日本活用VR技術拯救宅宅~

佛系娛樂台 於 17/08/2018 發表 收藏文章
  日本人多諗頭就大家都知啦,成日都會都有好多有趣既發明去造褔世界,今次佢地又搞啲咩呢?今次係東京既秋葉原有間叫「虎之穴Toranoana」既日本同人動漫商店就宣布,年尾將開設一間VR按摩中心名為「toraVrRelax」,將按摩結合VR希望為顧客提供最賓至如歸既體驗XD
呢間按摩店宣稱可以俾用家感受「被美少女角色按摩的真實體驗」,戴上VR裝置之後,入面既二次元少女就會開始提供按摩服務。過程間,少女仲會問你問題,好似「按摩力度夠不夠?」等...用家需要透過手掣答問題。而現實就會由一位持牌按摩師提供服務,他會跟住照螢幕上既資料,調節按摩的力度及位置。另外,用家仲可以從畫面顯示既穴位分析圖中,知道自己出現疼痛感的位置代表著什麼,真係「一級捧」丫。
toraVrRelax早兩日就係秋葉原UDX大樓舉行試玩會,VR技師由漫畫《One Room》的花坂結衣擔任,到年尾店舖正式投入服務既時候,遊戲仲會換上另外兩位特別設計既虛擬動漫人物。VR按摩服務收費標準為30分鐘3,000至3,500日元,即港幣約$212至$250。官方又表示,如果反應理想,會加入更多「對話」及故事情節。
常言道,幻想總是美好的,相信心水清既玩家都知VR入面既囡囡並不是真正的囡囡,但個人比較期待係官方所講既故事情節XD唔知去按個腳可以發生咩故事呢?會唔會一個唔小心又拯救咗世界?
.
.
.
.
仲有兩張按摩中既相,費事嚇親大家,所以最後先放,大家做好心理準備先好碌落去

.
.
.
.
-

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→