又炒啦喂~半島酒店迷你奶黃月餅炒至800蚊盒！！ 精選

就嚟又到中秋，當然又係食月餅既時候啦~傳統月餅太肥唔想食？冰皮食到厭？想食流心奶黃月？問過啲炒家未先？繼早前美心奶黃月有炒價，依加又嚟料！半島酒店嘉麟樓出品既迷你奶黃月餅今日開始接受網上預訂，每盒賣HKD550，但依然吸引大量市民購買，果然一開售就引發市民搶購，今次既網上訂購系統雖然設有排隊機制，但係好多市民都卡咗係等待頁面，系統會幫你排隊3分鐘然後重新連接網頁，再排3分鐘，無限輪迴。有市民形容呢個情況根本系「排完又排」、「撳入去就直接叫人等3分鐘根本唔會畀人訂到咁」、「3分鐘又3分鐘」、「唉，睇黎又要食炒價了」。
(無限輪迴3分鐘頁面)
(無法進入畫面)
(想訂既巴打要等聽日再搶過了，事關今日已經賣曬！)

(極少數成功例子)

係香港地，食炒價真的是常識吧！由波鞋到iphone再到月餅無一不炒，小編發現淘寶網亦有提供有代購嘉麟樓月餅服務，最貴每盒賣698元人仔，換返港幣係800蚊左右，比正價炒高約3成。