[2011.07.18]徐淑敏大肚照自家收藏

懷有七個多月身孕的前港姐徐淑敏，昨出席於MegaBox舉行的傑克與夢幻島海盜樂園揭幕禮，穿上粉紅吊帶鬆身裙及四吋高跟鞋的她，四肢仍然纖幼，她笑言：「依家54kg，已經重咗20磅！之前去咗峇里島、蘇梅島同印尼旅行，嚟緊都會繼續飛，因為老公鍾意久唔久離開香港。」

她又透露上網購入大量泳衣，希望產後三個月內收身拍番輯靚靚泳衣照，問她可有打算拍大肚裸照？「冇喎，我一定要着衫，因為靚啲！有同老公影啲淨係見肚嘅相，不過係自己收藏。（囡囡知唔知自己就快做家姐？）佢會摸住我個肚叫『妹妹』，好溫馨！」