手勢相惹討論！黃翠如、蕭正楠被網民嗌「手足」　　　 精選

黃翠如曾經在上年8月被一個名為「曹永廉」的Facebook用戶在「Save HK」群組帖文內話「黃翠如不是黃屍」、「信我」，在當時仍未確定用戶真偽時，翠如的Instagram都已經充斥大量網民留言指她是「藍翠如」，事隔快將一年，翠如又被認證為「手足」！
翠如在上星期上載跑步過後的自拍照，指自己會連續十天早上跑步，為了好好訓練自己的體能與意志，又感謝老公蕭正楠「陪跑」，不過在其中一段二人的自拍片段中，翠如與阿蕭就分別舉起四、六手勢 (阿蕭後來都布有舉起五字手勢)，如果沒有聽到阿蕭話「今日係第四日、零六起身、跑5K幾」，真的會惹起更加大的誤會。

或者二人都擔心會被添加「顏色」？阿蕭在翠如舉著「六」字手勢自拍的短片時，補充話「跑咗6分鐘的意思」。其實翠如都有先後舉不同的數字手勢，其實又何必多此一舉呢？而且她又未有分享首三日「舉手勢」的自拍短片、相片，又難怪被網民再次狙擊！

二人的「四六」手勢照自不然就成為討論區、社交平台上熱話，「手足」、「保護手足」、「好黃」、「聽個名都知佢黃啦 翠如bb黃到金」，又揚言要把相片上載到微博以舉證二人。

翠如在中六時於《鏗鏘集》講述自己對六四事件看法的片段都被翻炒，「自己嘅兵隊將自己國家未來嘅棟樑一個一個咁殺死，佢哋應該反思返之前五四運動發生嘅嘢，唔應該再畀呢個歷史循環」。
「曹永廉」又會否再替好朋友認證呢？