TVB專頁繼續玩「抄節目名」　過往曾「玩命」笑高層身高

「TVB又抄ViuTV」、「連個名都懶得改」......TVB旗下專頁See See TVB日前就因為Honey何泳芍有份參與的行山短片《Honey初體驗 姐姐郊遊遊》而遭到網民炮轟抄襲ViuTV行山節目《美女郊遊遊》，結果該專頁的小編就回應指蚊型台、無人睇，未知小編是有心玩野「倒米」抑或要寸網民呢？當話題已經完結過後，See See TVB專頁又突然出四格漫畫講到自己台抄自己台的節目名，即是都承認是從抄自己名出發吧！抑或是故作貼近觀眾意見地批評TVB的節目名沒有新意？

漫畫中的BB話行山節目可改名「開心大行山、好山好水、山夢傳奇、日日山山」，小編就話「聽講惡搞自己唔會俾人罵，等我又試下先」、「#又抄自己」，跟足網民批評TVB「抄Viu」的留言。

該位小編也不是第一次被指「玩命」，早在4月中ERROR成員郭嘉駿 (193)出言串爆TVB、反擊曾志偉，網民就指曾志偉身高只有153 cm，而TVB旗下的專頁「See See TVB」也取笑曾志偉的身高，寫明「贏咗年齡，輸咗身高，值得咩？」漫畫當中的父親向BB話「老竇帶你上後生仔傾吓偈 幫手拉低下啲平均年齡吖」、「貴台啲高層咁高大 無謂入嚟拖低平均身高啦」，最後一張圖就顯示BB只有53cm。

大家又認為See See TVB小編在「玩命」嗎？ 而《姐姐郊遊遊》的片段就未有如張曦雯「自食」片段般下架，不過抄節目名與抄節目介紹圖也同樣是「抄」，也相信事件會陸續有來呢！